Aliyekuwa kiongozi wa Libya Muammar Gaddafi auwawa.

Aliyekuwa kiongozi wa Libya Muammar Gaddafi 69 auwawa. Picha hapo chini hapo zinaonyesha enzi ya uhai wa kiongozi wa Libya Muammar Gaddafi, akiwa kama kiongozi wa Libya na kukutana baadhi ya viongozi tofauti duniani hadi mwisho wa uhai wake ambapo alitawala Libya kwa miaka 41.

Muammar Gaddafi akiongea jijini Tripol ka mara ya mwisho kabla ya jiji la Tripol kuangushwa.

Sura inayo onekana inaaminika ya kuwa sura ya Muammar Gaddafi akiwa amezingirwa.

Mwili wa Muammar Gaddafi ukionekana baada ya kifo chake.

Muammar Gaddafi akiaga katika mkutano mkuu wa Umoja wa Mataifa.

Muammar Gaddafi akiongea wakati wa mkutano wa umoja wa Mataifa.

Muammar Gaddafi akiwa na baadhi ya viongozi wa jumuia ya nchi za Kiarabu.

Muammar Gaddafi akiwa na viongozi tofauti wa dunia.

Muammar Gaddafi akiwa akisalimiana na rais wa Marekani Baraka Obama.

Waziri Mkuu wa zamani wa Uingereza akiwa na Muammar Gaddafi enzi za uhai wake.

Rais wa Ufaransa, Nicolas Sarkozy akisalimiana na Muammar Gaddafi alipo tembelea Ufaransa.

Muammar Gaddafi akisalimiana na Vladimir Putin.

Enzi za uhai wake Muammar Gaddafi alikuwa mgeni wa heshima katika nchi tofauti duniani.

Muammar Gaddafi na waziri Mkuu wa Itali wakiwa wameshikilia bunduki wakati walipo kutana.

Gordon Brown wakati akiwa waziri mkuu wa Uingereza alikutana na Muammar Gaddafi pia.

Nelson Rolihlahla Mandela - Madiba alikuwa rafiki mkubwa wa Muammar Gaddafi.

Waziri wa mambo ya nje wa Marekani Condoleeza Rice alitembelea nchi Libya ili kuimarisha ushirikiano na serikali ya Muammar Gaddafi.

Muammar Gaddafi akiwa na rais wa Venezuela Hugo Chavez.

Muammar Gaddafi akiwa na Robert Mugabe, viongozi ambao wamekuwa shubiri kwa nchi za Magharibi.

Muammar Gaddafi alikutana na rais wa Syria Bassad al Assad.

Rais wa Palestina Mahamoud Abbas akikabilishwa na Muammar Gaddafi.

Hayati kiongozi wa Palestina Yasir Arafat alikuwa mshiriki mkuu wa hayati kiongozi wa Libya Muammar Gaddafi.

Muammar Gaddafi siku alipo tangaza rasmi kuwa kiongozi wa Libya baada ya kuung'oa utawala wa kifalme wa Idris.

Tripol, Libya - 20/10/2011. Kiongozi na rais Muammar Gaddafi wa Libya aliyetolewa madakani kwa nguvu za kijeshi ameuwawa baada ya kukimbia na kukaa mafichoni kwa muda mrefu tangu kuanza kwa vita nchini humo.

Waziri Mkuu wa muda wa serikali ya Libya Mahmoud Jibril alisema " Muammar Gaddafi ameuwawa na ni furaha kwa Walibya wote, kwani tulikuwa tunaingojea siku hii kwa hamu."

Rais wa Marekani Baraka Obama alisema " uhuu ni muda wa Walibya baada ya kuangushwa kwa Muammari Gaddafi na tutakuwa pamoja na Walibya katika kuijenga nchi yao."

Waziri Mkuu wa Uingereza ambaye aliongoza katika kampeni ya kumg'oa Muammar Gaddafi alisema " ni siku ya kukumbukwa na wale wote waliopata kuteswa na waliouwawa Kanali Gaddafi."

Naye Katibu mkuu wa Umoja wa Mataifa Ban Ki-moon amesema " ni historia ya kukumbukwa na kuonya ya kuwa Walibya watakuwa na wakati mgumu katika kujenga nchi yao."

Kwa mujibu wa habari zilizo patikana zinasema ya kuwa Muammar Gaddafi, aliuwawa katika mashambulizi kwenye eneo alilo kuwa ameweka makao yake baada ya kukimbia jijini Tripol kutokana na kuzisiwa nguvu na jeshi la serikali ya mpito kwa masaada wa jeshi la NATO.

Misaada kwa nchi za Afrika kusimamishwa miaka michache ijayo.

Vladimir Putin ahaidi kuimarisha uchumi wa Urusi kimataifa.

Moscow, Urusi - 19/10/2011. Waziri mkuu wa Urusi na ambaye anatarajiwa kugombea kiti cha urais chini humo amewahakikishiwa wanachi ya kuwa akichaguliwa atakuwa na jumukumu la kuinua uchumi.

Vladimir Putin alisema "kazi itakayo pewa kipao mbele ni ya kuinua uchumi wa Urusi kimataifa, kuimarisha misingi ya kisiasa na demokrasi."

" Sikufikilia swala la urais, lakini nilipo pendekezwa kuchukua majukumu haya ndipo nilipo jua nina wajibu mkubwa wa kuiinua Urusi kiuchumi na kuifanya kuwa nchi imara, pindipo nitakapo chaguliwa."

Waziri mkuu Vladimir Putin, alipendekezwa kugombea kiti cha urais katika mkutano mkuu wa chama tawala uliyo fanyika hivi karibuni jijini Moscow na kutangazwa rasmi na rais wa sasa Dmtri Medvedev.

Misaada kwa nchi za Afrika kusimamishwa miaka michache ijayo.

London, Uingereza - 19/10/2011. Misaada kwa nchi za Afrika itaanza kufutwa miaka michache ijayo ili nchi hizi ziweze kujitegemea kwa kila kitu katika kuinua uchumi na maendeleo ya wananchi wao.

Waziri mkuu wa zamani wa Uingereza Tony Blair aliyasema hayo katika mkutano ya kuwa " kusimamisha misaada hiyo ni nia ya baadaye ili kuzipa nafasi nchi hizo kujijenga kwa kutumia maliasili zao, kwani bila hatua kuchukuliwa nchi hizi hazitapata mwamko wa kujitegemea."

"Vilevie bara la Afrika kwa sasa lina watu wenye uwezo wa kuongoza na kujenga nchi zao kiuchumi kisiasa na kijamii kutokana na kodi na mapato yatakayo patikana katika nchi hizo."

Tony Blair aliyasema hayo wakati alipo kuwa akihutubia mkutano ulio andaliwa na shirika linalo shughulikia utoaji wa misaada kwa nchi za dunia ya tatu.

Shirika la Afya la Dunia kumpambana na malaria kwa hali na mali.

Waizrael na Wapalestina wabadilishana wafungwa.

Tel Aviv, Izrael - 18/10/2011. Wanchi wa Izrael wameshangilia kwa hari na raha baada ya askari aliyekuwa amekamatwa na kundi la Hamas kuachiwa huru.

Gilad Shalit, ambaye alikamatwa na kundi la Hamas mwaka 2006, ameachiwa baada ya kufikiwa makubaliano kati ya serikali ya Izrael na kundi la Hamas katika kubadilishana wafungwa.

Baada ya kuachiwa Gilad Shalit alisema " nilijua ipo siku nitaachiwa ingawa sikujua itakuwa lini, na tumaini yakuwa huu utakuwa mwazo wa kuleta amani kati ya Waizrael na Wapalestina."

Kuachiwa kwa Gilad Shalit, kumetokea wakati huo huo serikali ya Izrael imewachia zaidi ya Wapalestina 477 ambao ilikuwa inawashikilia na wengine zaidi ya 600 wataachiwa hapo baadaye kutokana na makubaliano yaliyowe kwa kati ya serikali ya Izrael na kundi la Hamas.

Jambo ambalo limefurahiwa katika Ukanda wa Gaza na West Bank wakati walipokuwa wanawapokea Wapalestina waliochiwa kutoka katika jela za Izrael.

Shirika la Afya la Dunia kupambana na malaria kwa hali na mali

Geneva, Uswisi - 18/10/2011. Idadi ya watu wanao poteza maisha kutokana na ugonjwa wa malaria umepungua kwa asilimia 20, kwa mujibu wa ripoti ya shirika la afya la Umoja wa Mataifa (WHO).

Katika ripoti hiyo WHO imesema "kufanikiwa kupungua kwa kuenea kwa ugonjwa wa malaria kumetokana na ufuatiliaji wa ukaribu katika kupambana na ugonjwa huo na tunamatumaini kuuangamiza kabisa katika baadhi ya nchi ifikapo 2015."

Shirika la afya duniani lilianza kupambana na ugonjwa wa malaria tangu 1955 ambao umepoteza maisha ya watu wengi hasa katika nchi zilizopo Kusini mwa Sahara.

Hillary Clinton afanya ziara ya ghafla nchini Libya.

Tripol, Libya - 18/10/2011. Waziri wa mambo ya nchi za nje wa Marekani amewasili nchini Libya kwa ziara ya kiserikali.

Hillary Clinton aliwasili nchini Libya ili kuongea na viongozi wa serikali ya mpito na kutaka kujua maendeleo yaliyofikiwa tangu kuangushwa kwa Kanali Muammar Gaddafi.

Waziri Hillary Clinton akiwa ziarani Libya alisema "

Nina furaha kusimama hapa kuona wananchi wa Libya wakiwa huru na kwaniaba ya Marekani napenda kuwapa pongezi."

"Ningetumaini kama Gaddafi angekamatwa au kuuwawa na Walibya wakawa huru siku zote."

"Na naimani serikali ya mpito itawaunganisha Walibya wote ili kuijenga upya Libya." Alimalizia kwa kusema waziri Hillary Clinton.

Ziara ya Hillary Clinton nchini Libya imefanyika bila kutangazwa kwenye vyombo vya habari.

Baraka Obama atuma jeshi kumsaka Joseph Koni.

Malawi ya mpokea rais wa Sudan licha ya kutafutwa na mahakama ya kimataifa. Blantyre, Malawi - 16/10/2011. Rais wa Sudan ambaye anatafutwa na mahakama ya kimataifa inayoshughulikia makosa ya ukikwaji wa haki za binadamu, amewasili nchini Malawi kwa ziara ya kiserikali. Omar Al- Bashir ambaye alishitakiwa katika mahakama ya Uhollanzi, yupo nchini Malawi ili kudumisha uhusiano wa karibu na nchi hiyo. Msemaji wa mahakama ya kutetea haki za binadamu iliyopo nchini Uhollanzi Elise Kepper, alisema "Malawi kamanchi mwanachama wa mahakama hii , ni lazima watimize masharti kwa kumkamata Omar Al Bashi ambaye anatakiwa na mahakama kujibu mashitaka yanayo mkabili." Kesi zidi ya rais, Omar Al Bashir, ilifunguliwa mwaka 2009 na mahakama ya kimataifa ya Hague nchini Uhollanzi kufuatia uchunguzi ulionyesha ya kuwa serikali yake ya Sudani ilihusika katika ukiukwaji wa haki za binadamu katika eneo la Darfur na kutaka akamatwe tayari kufikishwa mahamani ili kujibu mashitaka zidi yake. Baraka Obama atuma jeshi kumsaka Joseph Koni. Kampala, Uganda - 16/10/2011. Rais wa Marekani, Baraka Obama ametuma wanajeshi wapatao 100 ili kusaidiana na jeshi linalo mtamfuta kiongozi wa kundi la Lord's Rasistance Army. Katika barua iliyopatikana ikulu ya Washington ilisema " rais Obama ameruhusu idadi ya wanajeshi wapatao 100, ili kushiriki katika kumsako wa kumsaka Joseph Koni ambaye ni kiongozi wa kundi la LRA." Koni na kundi lake wana pingana na serikali ya Uganda kwa upanda wa kaskazini mwa nchi hiyo na kushutumiwa kuhusika katika vitendo ambavyo vinakihuka haki za binadamu tangu aanzishe vita vya kuipinga serikali tawala ya rais Yoweri Musen kwa miaka 10 sasa. Luis Moreno Ocampo kuchunguza mauaji ya Ivory Coast. Abidjan, Ivory Coast - 16/10/2011. Mkuu wa mashitaka wa mahakama ya kimataifa ya kutetea haki za binadamu iliyopo nchi Uhollanzi amewasili nchini Ivory Coast tayari kwa kuanza uchunguzi zidi ya ukiukwaji wa haki za binadamu wakati wa vita vya wenyewe kwa wenyewe. Luis Moreno Ocampo, ameanza kazi hiyo baada ya makahama ya kimataifa kumpa ruhusa kuendelea na uchunguzi ili kujua ukweli kama kulikuwa na ukiukwaji wa haki za binadamu wakati kundi la rais wa sasa Alassane Ouattara lilipo kuwa linapambana na kundi la rais aliyetolewa madarakani kwa nguvu za kijeshi Laurent Gbagbo. Akiongea mara baada ya kuwasili nchini Ivory Coast Luis Moreno Ocampo alisema " katika uchunguzi wetu tuta kutana na makundi yote yaliyo husika katika vita na wale wote walio athirika na vita hivyo ili kupata ukweli zaidi." Kuwasili kwa Moreno Ocampo kumekuja kufuatia ripoti ya shirika la kutete haki za binadamu kuripoti ya kuwa kulikuwa na ukiukwaji wa haki za binadamu wakati wa makundi ya Gbagbo na Ouwattara yalipo kuwa yanapambana baada ya matokeo ya uchaguzi mkuu wa Ivory Coast. Serikali ya Kenya yaamua kupambana kundi la Al Shabaab katika mipaka yake Nairobi, Kenya - 16/10/2011. Jeshi Kenya limeanza msako wa kuwasaka wapiganaji wa kundi la Al Shabaab waliopo mpakani na nchi hiyo. Alfred Mutua ambaye ni msemaji wa serikalialisema," serikali ya Kenya imeamua kufanya hivyo ili kulinda mipaka yake tayari kupambana na kundi la Al Shabaab, kundi ambalo limekuwa likihusika katika utekaji wa nyara wa raia wa kigeni wanao tembelea nchini Kenya, na tunayo haki ya kujilinda na mashambulizi ya aina yoyote na jeshi la Kenya lipo tayari kuwatafuta wale wote waliohusika na ushambulizi na utekaji wa nyara." Matamko ya serikali ya Kenya kupambana na Al Shabaab yamekuja huku kundi hilo likiwa linaendelea kupambana na serikali ya Somalia na kufanya amani kuwa tete nchini Somalia.

Hamas na Izrael wakubaliana kuachiwa wafungwa.

Hamas na Izrael wakubalia kuachiwa wafungwa.

Gaza, Palestina - 11/11/2011. Kiongozi wa kundi la Hamas ametangaza ya kuwa Wapalestina waliofungwa katika jela za Izrael wataachiwa kwa kubadilishana na askari wa Izrael aliye kamatwa mwaka 2006.

Khaled Meshaal alisema " Wapalestina wapatao 1,000 wataachiwa na askari wa Izrael Gilad Shalit ataachiwa huru, ikiwa ni moja ya msharti yaliyofikiwa kwa pamoja na serikali ya Izrael na Hamas."

"Na haya ni moja ya mafanikio ya kujivunia kwani kati ya watu watakao achiwa ni pamoja na wale waliohukumiwa vifungo vya maisha na waliokaa jela za Izrael kwa muda mrefu." alisema kiongozi huyo wa Hamas,

Waziri mkuu wa Izrael Binyamin Netanyahu aliwashukuru watu wote walioshiriki katika mikutano hiyo kwa kupitia mtando wa twiiti kwa jitihada zao katika mpango wa kuachiwa Gilad Shalit.

Habari zilizo patikana zinasema, jitihada hizo zilifanywa na nchi za Syria, Katar, Ujerumani na Misri nchi wenyeji wa vikao vyote.

Siku za nyuma Izrael na Hamas wamekuwa wakibishana katika jitihada za kubadilishana wafungwa na kuachiwa huru kwa Gilad Shalit.

Walaiberia wafanya uchaguzi mkuu wa urais.

Monrovia, Liberia 11/10/2011. Maelfu ya Walaiberia wamepiga kura ili kumchagua rais atakaye waaaongoza kipindi kingine cha miaka mitano.

Rais aliyekuwa anaongoza kwa kipindi cha miaka mitano iliyo pita, na mshindi wa zawazi ya Nobel ya mwaka 2011, Bi Ellen Johnson Sirleaf alipiga kura katika jimbo lake, huku wapinzani wake wakuu Winston Tubman na mchezaji bora wa mpira wa miguu George Weah kwa pamoja wakiungana katika jitihada za kutaka kushinda kura ili kuiongoza Liberia.

Baada ya kumaliza kupiga kura yake Ellen Johnson Sirleaf alisema " nitakubaliana na matakwa ya Wanchi wa Liberia kama nikikosa kuchaguliwa kuwaongoza tena."

Liberia nchi ambayo ilikumbwa na vita vya wenyewe kwa wenyewe kwa muda mrefu na ambavyo vilimalizika mwaka 2003, na kufanya uchaguzi wa kwanza mwaka 2005, ambapo rais aliye maliza muda wake Bi Ellen Johnson Sirleaf alichaguliwa kuwa rais wa nchi hiyo na kuwa rais wa kwanza mwanamke katika bara la Afrika.

Kipindupindu bado tishio barani Afrika.

Geneva, Uswis - 11/01/2011. Shirika la Umoja wa Mataifa linaloshughulikia maswala ya watoto UNICEF rimeripoti ya kuwa watoto zaid ya 2,000 walipoteza maisha na wengine 85,000 kudhulika na ugonjwa wa kipindupindu tangu mwazo mwa mwaka huu 2011 hadi sasa.

Msemaji wa UNICEF Maxime Mercado alisema " Wananchi Waishio Kusini mwa jangwa la Sahara wameathiriwa kwa kiasi kikubwa na ugonjwa wa kipindupindu, hivyo ipo haja ya mbinu mbadala kufanyika ili kuutokomeza ugonjwa huo."

"Nchi za Kameroon, Chad, Jamuhuri ya Kongo, Ghana, na Nigeria zimeathiriwa kwa kiasi cha asilimia 90 kulinganisha na nchi nyingine ishirini ambazo zilikubwa na ugonjwa huo katika bara la Afrika." alimalizia msemaji wa UNICEF

Uginjwa wa kipindupindu unasabalishwa wadudu wajulikanao kama vibrio ambapo wadudu hawa hupenda kukaa kwenye maji na vyakula vichafu tayari kumdhuru binadamu atakaye kunywa au kula chakula chenye wadudu hao.

Dalili za ugonjwa wa kipindupindu ni kutapika na kuharisha kwa mfurulizo hadi kuishiwa nguvu.

Rais mstaafu wa Cape Verde atunzwa zawadi ya Mo Ibrahim,

Rais mstaafu wa Cape Verde atunzwa zawadi ya Mo Ibrahim.

Praia, Cape Verde - 10/10/2011. Aliyekuwa rais wa Cape Verde amechaguliwa na kama mshindi wa zawadi ya Mo Ibrahim na kuzawadia kiasai cha dola za Kimarekani Million 5.

Mstaafu rais Pedro Verona Pires amepewa zawadi hiyo kwa kuwa mtastari wambele katika kujenga nchi yake kiuchumi, kidemokrasia na kulete amani.

Kufuatiwa kutunukiwa zawadi hiyo rais mstaafu Pedro Veroana Pires alisema " nitaziwekeza pesa hizo kwenye mradi wa kuandika kitabu kuhusu historia ya Cape Verde hadi uhuru, na sina mawazo ya kuwekeza katika biashara au kitu kinacho fanana na ubiashara."

Rais mstaafu Pedro Verona Pires alikuwa mmoja ya viongozi waliopigana katika kuung'oa utawala wa Kireno kisiwani humo hadi uhuru mwaka 1975.

Habari za kuchaguliwa kwake rais mstaafu Verona Pires, zilimkuta akiwa anafanya mazoezi ya viungo.

Askofu mkuu wa kanisa la Anglikani akutana na rais Robert Mugabe.

Harare, Zimbabwe - 10/10/2011. Askofu mkuu wa kanisa la Anglikani wa Uingereza amekutana na rais wa Zimbabwe Robert Mgabe kwa mazungumzo, baada ya hotuba yake ya kuishutumu serikali ya Zimbabwe kwa kuwakandamiza baadhi ya waumini wa madhehebu ya Kianglikani.

Askafu Rowan Williams alikutana na rais Robert Mugabe kwa na kujadili hali halisi ya kidini nchini humo hasa kutokana na malalamiko kutoka kwa baadhi ya waumini wa kanisa la Aglikani wanao dai ya kuwa wananyanyaswa kutokana na uumini wao.

Akiongea Askofu Rowans Williams alisema "nimemwomba rais Mugabe atumie uwezo wake kuzuia uonevu na unyanya swaji kwa waumini wa madhehebu mengine na nimemkabidhi faili la maonevu yote yaliyo tokea na naamini atayachughulikia."

Hata hivyo habari kutoka ndani ya mkutano huo, zinasema "rais Robert Mugabe hakuwa na habari yoyote yakuwa hali hii na alimkumbusha historia ya kanisa la Aglikani ya kuwa limetokana na kanisa la katoliki."

Mkutano wa rais wa Zimbabwe na Askofu mkuu wa kanisa la Anglikani umefanyika ilikutatua matatizo yaliopo kimadhehebu nchini Zimbabwe.

Wakristu wa Kikoptik na Waislaam wenye siasa kali wapambana nchini Misri.

Kairo - Misri - 10/10/2011. Maelfu ya umini wa Kikristu wa madhehebu ya kanisa la Koptik wameilalamikia serikali ya Misri kwa kitendo cha kuwapuuza na kutowalinda waumini wa dhehebu hilo.

Malalamiko hayo yalitolewa wakati wa mazishi ya waumini wenzao ambao waliuwawa wakati wa ghasia zilizo tokea hivi karibuni.

Kiongozi mkuu wa kanisa hilo Shedua III amelaumu ghasia hizo na kuwataka waumini wa dhehebu hilo wafunge kwa muda wa siku tatu, huku wakifanya maombi ya kuwepo na amani nchini humo kwani "chuki zimekuwa waziwazi kati ya jamii ya Wamisri na kusababisha maisha ya watu zaidi ya 24 kupotes na wengine kujeruhiwa."

"Ukristu unakataa machafuko na ugomvi". Alisema mkuu huyo wa kanisa la Koptic."

Kufuatia tukio hilo, uongozi wa serikali ya Misri imeitisha mkutano wa dharula ili kujadili ni mbinu gani watafanya kuzua fujo kama hizo zi sitokee tena,

Wapalestina wamlaumu Yony Blair.

Dolla Million 10 zatolewa kwa kichwa cha kiongozi wa Al Qaeda

Washington, Marekani - 09/10/2011. Serikali ya Marekani imetangaza zawadi ya dolla za Kimarekani Million 10, kwa mtu atakaye toa habari za mahali alipoa Ibrahim"Awwad Ibrahim" Ali al Badri ama maarufu kwa jina Abuu Dua.

Zawadi hiyo ya donge nono imetolewa ili kuwezesha kukamatwa kwa Abuu Dua, ambaye ni kiongozi wa kundi la Al Qaeda nchini Irak.

Abuu Dua ambaye alitangaza ya kuwa atalipa kisasi kutokana na kitendo cha jeshi la Marekani kumwua aliyekuwa kiongozi wa kundi la Al Qaeda Osama bin Laden.

Kundi la Abuu Dua limedai kuuhusika na mauaji yaliyo tokea hivi karibu nchini Irak katika mji wa Masul.

Wapalestina wamlaumu Tony Blair.

Brussels, Ubeligiji - 09/10/2011.Viongozi wasimamizi wa maswala ya Wapalestina na Waizrael wamekutana ili kujadili mbinu ya kuzishawishi pande hizo kurudi kwenye meza ya mazungumzo.

Viongozi hao kutoka Marekani, Umoja wa Ulaya na Urusi walikubaliana kwa pamoja kufanya kila jitihada ili Wapalestina na Waizrael warudi katika mazungumzo tayari kwa kumaliza mgogoro uliyopo kati ya pande hizo mbili na kuleta amani ya kudumu.

Catherine Ashton ambaye ni mkuu wa maswala ya kigeni ya umoja wa Ulaya alisema " uongozi wa kamati ya kusimamia kutatua matatizo kati ya Wapalestina na Waizrael, watawaalika viongozi viongozi wa pande zote mbili ili kuanza mazunguzo."

Hata hivyo uongozi wa Wapalestina umesema "hautarudi kwenye mazungu hadi hapo serikali ya Izrael itakapo simamisha ujenzi wake katika maeneo iliyo yachukua kwanguvu na kukubali kufuatia makubaliano ya mipaka ya mwaka 1967."

Nayo serikali ya Izrael imesema " haina haja ya kuwekwa masharti ili kuanza mazungumzo kama inavyo daiwa na Wapalestina."

Mohamed Shtayyeh ambaye in mmoja wa viongozi wa ngazi ya juu katika serikali ya Wapalestina ametamka kwa kusema " inabidi Tony Blair ajiudhulu wadhifa wake kwani anaonekana kutokuwa na mwelekeo wa usawa,kwa kupinga maombi ya Wapalestina kutambulika na umoja wa mataifa kuwa kama taifa."

"Amekuwa akutumia wadhifa wake kuzishawishi nchi za Ulaya kupinga maombi ya Wapalestina, hivyo nasikitika inabidi ajitoe." aliongezea Shtayyeh.

Wanachi wa Kenya wamuaga mama Wangari Maathai kwa mara ya mwisho.

Wananchi wa Kenya wamuaga mama Wangari Maathai kwa mara ya mwisho.

Nairobi, Kenya - 09/10/2011. Maelfu ya wanchi wa Kenya wakiongozwa rais Mwai Kibaki na waziri mkuu Raila Odinga wameungana pamoja katika bustani ya uhuru ili kumwaga mama Wangari Maathai 71, kwa mara ya mwisho, kabla ya kufanywa mazishi ya uchomwaji kama alivyo agiza.

Rais Mwai Kibaki alisema " Wangari Maathai alijitolea katika kujenga taifa na njia bora ya kumbumbuka ni kuendeleza kazi ailiyokuwa anaifanya."

Wangari Maathai alikuwa mwanamke mwafrika wa kwaza kuzawadiwa tunzo ya Nobel kutokana na juhudi zake za kujenga mazingira kupitia kitengo alicho anzisha kijulikanacho the Green belt Movement.

Tunu ya tunzo la amani yazawadiwa kwa wanawake watatu kwa pamoja.

Tunu ya tunzo la amani yazawadiwa kwa wanawake watatu kwa pamoja.

Oslo, Norway - 07/10/2011. Kamati inayo simamia na kuchagua watu wa kutunukiwa zawadi ya amani duniani, ya Nobel wamewachagua wanawake watatu kwa pamoja kama washindi wa tuzo hiyo.

Wanawake waliotunukiwa ni rais wa Liberia ellen Johnson Sirleaf, Bi,Tawakul Karmal wa Yemen na mwanaharakati wa kutetea amani nchini Liberia Bi Leyhmah Gnowee.

Mwenyekiti wa kamati ya kutoa tunzo ya Nobel Thorbjorn Jagland alisema " kupewa tunzo kwa wanawake hawa ni ishara yakuwa amani ya dunia itafanikiwa ikiwa tutapata wanawake wenye moyo kama hawa dunia nzima ambao watashiriki katika kuleta maendeleo kwenye nyanja zote kijamii na kiuchumi."

" Hii ni ishara kubwa ya mkuwa ukandamizwaji wa wanawake lazima ukomeshwe, kwani wanauwezo sawa kama wanaume."

Uamuzi huo wakuwatunukia wanawake hao, umekuja kutokana na jitihada walizo zionyesha katika nafasi zao bila kutumia vurugu au kusababisha kuvurugika kwa amani.

Bi Ellen Johnson, amepewa tunzo hiyo kwa kuwa rais wa kwanza mwanamke katika bara la Afrikana Bi Tawakul Karman kuwa mmoja wa kiongozi katika kuleta demokrasi chini Yemen.

Uamuzi wa kusimasha mashambulizi Libya upo chini ya wakuu wa Jeshi wa NATO

Washington, Marekani - 07/10/2011. Serikali ya Marekani inaamini ya kuwa NATO imekamilisha kazi yake nchini Libya, na maamuzi ya jeshi la anga bado yanaangaliwa kwa makini kutegemea hali halisi.

Waziri wa ulinzi wa Leon Panetta alisema " swala zima la Libya litategemea hali ya usalama wa raia na kung'olewa kwa Muamar Gaddafi, vilevile kama serikali ya mpito inaweza leta usalama nchini humo."

"Uamuzi upo chini ya wakuu wa jeshi."

Tathmini hiyo ya hali ya Libya imetolewa wakati waziri wa ulinzi wa Marekani amefanya mazungumzo na viongozi washiriki wake NATO.

Tumeshindwa kuleta usalama na amani nchini Afghanistan asema rais Hamid Karzai.

Kabul, Afghanistan -07/10/2011. Rais wa Afghanistan amekubali yakuwa jeshi la US, NATO na waserikali yake wameshindwa kudumisha usalama na amani nchi Afghanistan japo ni miaka 10 imepita.

Rais Hamid Karzai alisema, " matatizo yanaanzia nchini Pakistani, wengi ya wapiganaji wa Talibani wanatokea Pakistani na serikali ya nchi Pakistani hajatilia mkazo katika kupambana na Talibani."

"US, NATO na majirani zetu Pakistan kwa kushirikiana walitakiwa toka mwanzo kung'oa mizizi ya Talibani, lakini hakukua na ushirikiano katika jambo hili."

Vilevile rais Hamid Karzai alihaidi kuachia madaraka ifikapo mwaka 2014 naameanza kuandaa njia kwa yoyote atakaye kuja badala yake.

Vita vya Afghanistan vimetimiza miaka 10 siku ya leo tangu kuanza ambapo jeshi la Marakani NATO na washirika wake walipo anzisha mashabulizi zidi ya Taliban kwaka 7/10/2001.

Mwanzilishi wa kampuni ya Apple afariki dunia.

Mwanzilishi wa kampuni ya Apple afariki dunia.

Califonia, Marekani - 06/10/2011. Aliyekuwa mwanzilishi na mkurugenzi mkuu wa kampuni ya mtandao wa Apple amefariki dunia baada ya kuugua kwa muda mrefu.

Stev Jobs 56, ambeye ugunduzi wake wa mtandao wa simu za aina ya Apple, alifariki dunia baada ya kuungua kwa muda mrefu ugonjwa wa saratani kongosho karibu na mapafu. Kufuatia kifo chake viongozi na wanchi mbalimbali wametoa salamu zao za rambirambi kwa familia na wafanyakazi wa Apple kwa msiba uliyo wakuta.

Bill Gate alisema " Dunia imepoteza mtu ambaye ameleta mabadiliko makubwa na mabadiliko hayo yata gusa vuzazi vijavyo, na tutamkumbuka kila siku ya maisha yetu." Steve Jobs ambaye atakumbukwa milele kwa kuleta mabadiliko makubwa katika mitandao ya simu za Apple aliachia madaraka ya kuwa mkurugenzi mkuu wa kampuni ya Apple mwishoni mwa mwezi wa Augustus mwaka huu, ilikupata muda wa mapumziko.

Bendera zimewekwa nusu mringoti katika ofisi zote za Apple huku watu wakikusanyika kuweka maua na kadi chini ya bendera zenye picha ya Steve Jobs, kwa kumtakia mapumziko mema milele.

Mahakama ya Hague kuchunguza vita vya Ivory Coast.

Hague, Uhollanzi - 06/10/2011.Mahakama ya kimataifa inayoshughulikia kezi zidi ya ukiukwaji wa haki za binadamu imepewa ruhusa kuchunguza kama kulikuwa na ukiukwaji wa haki za binadamu nchini Ivory Coast wakati wa vita vya wenyewe kwa wenyewe.

Mahakama hiyo iliyopo Hague nchini Uhollanzi ilitoa ruhusa kwa mwanasheria mkuu wa mahakama hiyo kuanza kuchunguza mwenendo mzima wa vita vilivyo tokea nchini Ivory Coast wakati makundi mawili yaliyo kuwa yakiongozwa na rais wa sasa wa nchi hiyo Alassane Ouattara na yale ya aliyekuwa rais aliyetolewa kwa kwanguvu za kijeshi Laurent Gbagbo.

Mwanasheria huyo Moreno Ocampo anatarajiwa kuchunguza mauaji yaliyo tokea ambapo inasadikiwa zaidi ya watu 3000 walipoteza maisha yao na wengi kujeruhiwa wakati wa mapambano ya makundi hayo.

Nayo mashirika ya kutete haki za binadamu yalitoa ripoti kwa kualaumu pande zote mbili kwa kuhusika na ukiukwaji wa haki za binadamu wakati wa vita vya wenyewe kwa wenyewe nchi Ivory Coast.

Kanali Muamar Gaddafi aongea akiwa mafichoni.

Sirte, Libya - 06/10/2011. Rais aliyetolewa madarakani nchini Libya amewahimiza wananchi kuandamana katika mitaa yote ya nchini Libya kwa madai, Libya imeharibiwa na wasaliti kwa msaada wa majeshi ya wavamizi.

Muamar Gaddafi alisema " hali ya Libya imekuwa na halimbaya na kila kitu kimeharibiwa, hivyo ni wakati wa wanchi wa Libya kusimama na kupinga uharibifu unaofanywa na wasaliti na majeshi ya uvamizi huku, mkinyanyua bendera ya kijani kwani hii ni haki yenu na nchi ni yenu."

"Na hawa wanao jiita viongozi wa serikali ya mpito wamechaguliwa na nani?" Aliuliza Muamar Gaddafi.

Rais huyo wa Libya ambaye hajulikani yupo wapi hadi sasa, ujumbe wake ulitangazwa kwa kupitia moja ya mtandao wa habari uliopo nchini Syria.

Askofu Desmond Tutu aishambulia serikali ya Afrika ya Kusini.

Askofu Desmond Tutu aishambulia serikali ya Afrika ya Kusini.

Cape Town- Afrika ya Kusini - 04/10/2011. Askofu mstaafu wa kanisa la Anglikani la Afrika ya Kusini Desmond Tutu ameishabulia na kulaani kitendo cha serikali ya Afrika ya Kusini kuchelewecha kumpa visa kiongozi wa Watibeti Dalai Lama.

Akiongea na waandishi wa habari Askofu Tutu alisema " siamini kama yaha yanaweza tokea hapa nchini kwetu, serikali ANC imekuwa ya kibaguzi (Apartheid) inatia aibu, na nitaombea ianguke, kwani kuwa na watu wengi wanao uunga mmkono siyo sababu ya kutokuanguka."

Kufuatia ucheleweshaji wa viza, Dalai Lama ameamua kufuta safari yake ya kwenda Afrika ya Kusini ambapo alitarajiwa kusherekea miaka 80 ya kuzaliwa kwa Askofu Desmond Tutu na kupewa tuzo ya amani ya Mahatma Gandhi.

Hata hivyo habari kutoka serikali ya Afrika ya Kusini zinasema " hatukumyima viza Dalai Lama, bali tunafuata utaratibu wa kutoa viza kisheria."

Wakati huohuo uongozi wa serikali ya Afrika ya Kusini umedai kufuatialia kwa ukaribu yote yaliyoongelewa na Askofu Tutu.

Waandamanaji maeneo jengo la hisa la Wall Street.

New York, Marekani - 04/10/2011. Mamia ya waandamanaji wamekusa nyika karibu na jengo kuu ambamo biashara za hisa huwa zinafanywa, kwa kudai myumbo wa uchumi unasababishwa na biashara hizo.

Jengo hilo maaraufu kwa jina Wall Street, lilivamiwa huku waaandamanaji wakiwa na na mabango yanayo laani biashara hiyo.

Mmoja wa waandamanaji hao alisema " wanaiba mabilioni, wanatumia pesa zetu za kodi kwa kulipia hasara zilizo letwa na babenki ya hisa, hivyo umefika wakati wa wananchi kudai haki zao."

Kufuatia maandamano hayo watu wapatao 700 walikamatwa na polisi kwa kuzuia barabara katika daraja la Brookln na maeneo mengine.