Francois Hollande aanza kazi yake urais rasmi leo nchi Ufaransa.

Francois Hollande aanza kazi yake urais rasmi leo nchi Ufaransa.

Paris, Ufaransa - 15/05/2012. Raia wa Ufaransa wapemepata rais mpya kutoka chama cha mrengo wa kushoto  cha Sosialisti tangu miaka 17 iliyo pita.
Francois Hollande ambaye alishinda uchaguzi wa rais hivi karibuni nchini Ufaransa aliapishwa rasmi leo kuwa rais wa Ufaransa baada ya Nicolas Sarkozy aliyekuwa rais kushindwa katika kura za kugombea kiti hicho cha urais wa Ufaransa kwa mara ya pili.
Rais Froncois Hollande alisema haya baada ya kuapishwa " ukurasa mpya umefunguliwa, ningependa kuwaapa huu ujumbe ya kuwa Wafaransa kuweni na imani, sisi ni taifa kubwa na huwa siku zote tuna pambana na kushinda magumu yanayo tukabili, na nahaidi ya kuwa  nitailinda na kuongoza kwa maadili bora ya ukweli, haki na usawa kwa kila Mfaransa."
Ushindi wa Francois Hollande umekuja baada ya kampeni yake kubwa ya kuhaidi kuleta mabadiliko ya kijamii na kiuchumi nchini Ufaransa kama akichaguliwa kuwa rais wa nchi hiyo.


Luis Moreno Ocampo bado amsaka  Bosco Ntaganda na wenzake.

Hague, Uhollanzi - 15/05/2012. Mahakama ya kimataifa inayoshughulikia kesi za mauji na unyanyasaji wa haki za binadamu ipo mbioni kuhakikisha viongozi wa makundi ya kijeshi yaliyopo JD Kongo  wakamatwe.
Mwanasheria mkuu wa mahakama hiyo Luis Moreno Ocampo alisema " kuna baru ya kutaka Bosco Ntaganda na Sylvestre Mudacumura wakamatwe ili waje wajibu mashitaka ya kuhusika na ubakaji, unyanyasaji na mauji, watu hawa ni hatari saana."
Maoni hayo ya Ocampo yamekuja baada ya habari kupatikana ya mkuwa jeshi la umoja wa mataifa lilipo nchini JD ya Kongo kushambuliwa na na wanachi kwa madai jeshi hilo linashindwa kuwalinda kutokana na mashambulizi yanayo fanywa na makundi ya kijeshi yanayo pingana na serikali ya JD Kongo.
Viongozi hao wakijeshi waliopo nchini JD Kongo wamekuwa wanashutumiwa kwa kuhusika katika uchafuzi wa amani kwa kusababisha mauaji na ubakaji ambao uamekuwa yakitokea kwa muda mrefu sasa.


Muuaji wa mwanasayansi wa Iran anyongwa.

Tehran, Iran - 15/05/2012. Raia wa Iran aliyekutwa na hatia ya kumuua raia mwenzake ambaye alikuwa mwanasayansi wa mambo ya kinyuklia amenyongwa.
Habari kutoka shirika la habari la Iran zilisema "Majid Jamali Fashi ambaye alikutwa na hatia ya kumuua mwanasayansi  Profesa Massoud Ali Mohamed kwa kumtegea bomu mwaka 2010 alinyongwa hivi karibuni.
"Mtuhumiwa huyo ambaye pia alikutwa na hatia ya kuwa jasusi aliyetumiwa na idara ya upelelezi wa Izrael (MOSSAD) na inaamikiwa alipewa kiasi cha dola za Kimarekani $ 120,000 baada ya kukamilisha mauaji hayo."
Hata hivyo Izreal haikutoa maelezo yoyote kuhusu kuhusu huusiano uliopo kati ya Majid Jamali Fashi na MOSSAD kwa kusema "Izrael huwa aijadili au kuongelea maswala ya usalama kinyume na sheria."
Mauaji ya wanasayansi wanao shughuliklia maswala ya kinyuklia yameistusha serikali ya Iran na kutupia lawama  Marekani na Izrael kuwa ndizo nchi zinazo panga mipango ya mauaji ya wanasayansi wake.
Hata hivyo Marekani na Izrael zimekanusha kuhusika na mipango hiyo kwa kudai ni uzushi ambao usiyo na msingi.

Rais Hugo Chavez amaliza matibabu yake nchini Kuba

Rais Hugo Chavez amaliza matibabu yake nchini Kuba.

Karakas, Venezuela - 14/05/2012. Rais wa Venezuela ametangaza ya kuwa matibabu saratani (kansa)  aliyokuwa akifanyiwa nchini Kuba yamemalizika salama.

Rais Hugo Chavez 57 alisema" siku chache zilizo pita nilimaliza mzunguko wa matibabu yangu.

Nimekuja na matumaini makubwa yakuwa afya yangu itazidi kuwa nzuri na haya yote ni Mungu ana nitazidi kumwomba Mungu, siku zote tumwombe  Mungu atupe afya na uzima ili tuweze kumtumikia na kufanya kazi aliyo tuagiaza."

"Kwa baraka za Mungu na umwili wa askari ambao umeshughurikiwa na waganga kikamilifu, nitarudi  vitani mstari wa mbele katika kuendeleza mapinduzi ya kumomboa kila mwana Venezuela.

Nawashukuru wananchi wa wote wa Venezuela kwa maombi yenu na bila kuwasahahu wanachi wa Kuba chini ya Uongozi wa Raul Kastro na kaka yeke Fidel Kastro kwa kunipatia matibabu."

Hugo Chavez ambaye ametawala tangu 1999 amakuwa akienda nchi Kuba ili kufanyiwa matibabu ya kansa ambayo iligunduliwa na waganga wakati wa kuchunguza mwenendo wa afya yake.

Mmoja wa msaidizi wa Joseph Kony akamatwa.

Kampala, Uganda - 14/05/2012. Serikali ya Uganda imethibitisha kukamatwa kwa aliyekuwa mmoja ya viongoziwa kundi la Lord's Resistance Army (LRA) linalopingana na serikali ya Uganda.

Ceaser Achellam alikamatwa  nchi ya Afrika ya Kati kufuatia mipango ya kijeshi inayo endelea ya kutaka kuwakamata viongozi na wapiganaji wa LRA.

Msemaji wa jeshi la Uganda Felix Kulaigye alisema " kukamatwa kwa Achellema ni mafanikio makubwa kwani kutapunguza makali ya LRA, huyu Achelle ni mmoja wa samaki wakubwa wa LRA."

Serikali ya Uganda kwa msaada wa serikali ya Marekani zimekuwa zikimsaka kiongozi wa RLA Joseph Kony ambaye anadaiwa kuvuruga amani ya Waganda kwa muda wa miaka mingi sasa.

Umoja wa Mataifa wapitisha muswada wa kulinda ardhi za wenyeji.

New York, Marekani - 14/05/2012. Umoja wa Mataifa umekubali muswaada wa kihiyari  wa kusimamisha unyakuliwaji wa ardhi.

Muswaada huo ambao unazitaka serikali zote duniani, hasa zile zinazo tawala nchi masikini kusimamia haki za wanchi wao kikamilifu na kutouza au kukodisha ardhi hizo kwa makampuni ya kimataifa kwa kisingizio yanaleta maendeleo.

Maelezo yaliyo tolewa na  shirika la kimataifa la OXFARM yanaripoti ya kuwa kiasi cha heka million 200 zenye ukubwa wa Uingereza zimenunuliwa au kukodishwa na makampuni ya kimataifa katika nchi za Afrika na Asia."

Clara Jamart msemaji wa OXFARM alisema " kupitishwa kwa mswada huo ni mwanzo, kwani imechukua zaidi ya miaka mitatu ili kufanikisha muswada huu."

Kupitishwa kwa muswada huo kumekuja baada ya wasiwasi kuku ya kuwa makampuni ya kimataifa ya kutoka nchi tajiri yamekuwa yakitumia uwezo walionao kupata ardhi na hata kuwafanya wenye nchi kuwa na wakati mgumu kimakao hasa katika nchi za Ethiopia, Sudani ya Kusini, DR Kongo. 

NATO yaombwa kufanya uchunguzi vita vya Libya.

Gevena, Uswisi -14/o5/2012. Shirika linalo shughulikia na kusimamia haki za binadamu limetoa maelezo ya kuwa vita vilivyo ongozwa NATO ili kumng'oa Muammar Gaddafi vilisababisha mauji ya watu wasiyo na hatia.
Idara inayo simamia haki hizo ilisema " zaid ya watu 72 waliuwawa bila makosa kutokana na mashambulizi ya mabomu  ya anga yaliyofanywa na jeshi la NATO.
"Na NATO inabidi kufikilia swala kiuwajibikaji hilo kiundani zaidi."
Hata hivyo msemaji wa NATO Oana  Lungescu alisema " mashambulizi yote yaliyofanywa na NATO nchini Libya yalifuata sheria za kijeshi na yalifanywa katika maeneo yaliyo kuwa ya kijeshi, lakini katika hali ya kivita maisha ya watu huwa yanapotea kutokana na hali halisi.
"NATO ilifanya kila njia kuepuka kuleta maafa kwa raia na mali zao na kutoweka maisha yao hatarini."
Vita nchini Libya vilioongozwa na NATO kuwasaidia waliokuwa wanapinga serikali ya aliyekuwa rais wa nchi hiyo Muammar Gaddafi ambaye uwawa katika mapinduzi hayo.

Vladmir Putin awa rais na Dmiry Medvedev awa waziri mkuu wake.

Vladmir Putin  awa rais na Dmiry Medvedev awa waziri mkuu wake.

Moscow, Urusi - 08/05/2012. Aliyekuwa waziri mkuu wa Urusi na kushinda uchaguzi wa urais nchini Urusi ameaanza kazi rasmi
Vladmir Putin ambaye amechaguliwa kuwa rais wa nchi hiyo  kwa mara ya tatu, aliapishwa mbele ya wageni  2,000 waalikwa kushuhudia sherehe hiyo..
Putin ambaye  alichaguliwa hivi karibuni katika kinyang'anyiro cha kugombe urais wa Urusi amehaidi kuilinda na kuitete Urusi na watu wake kwa hali na mali.
Wakati huo huo aliyekuwa rais wa Urusi Dmitry Medvedev  amepitishwa na bunge la nchi hiyo  kuwa waziri mkuu wa Urusi  na anatarajiwa kuunda baraza la mawaziri  mara baada ya kula kiapo.


Hilary Clinton ushawishi kwa  India juu ya Iran  waleta mafanikio madogo

Newdelhi, India - 08/05/2012. Serikali ya India imepishana kimatakwa na serikali ya  Marekani kuhusu swala la ununuzi wa mafuta  kutoka Iran.
Waziri wa mambo ya nje wa India S.M Krishna alisema " tunafahamu umuhimu wa Iran kushiriki katika  mazungumzo ya  kinyuklia na vile vile  Iran ni  kiungo muhimu cha upatikanaji wa mafuta kwa India"
Waziri huyo wa mambo ya nje wa India aliyasema hayo, wakati alipo kutana na waziri wa mambo ya nje wa Marakani Hilary Clinton  ambaye yupo katika ziara ya kiserikali nchi India.

Makamu wa rais wa Irak atafutwa na polisi wa kimataifa.

Baghdad, Irak -08/05/2012. Serikali ya Irak imeliomba shirikisho la polisi dunia Interpol kumkamata aliyekuwa makamu wa rais wa nchi hiyo ambaye yupo mafichoni.
Kwa mujibu wa habari kutoka Interpol zinasema " aliyekuwa makamu wa rais wa Irak Tariq al Hashem
anatakiwa kukamatwa ili kujibu mashitaka ya kusaidia kifedha ugaidi."
Tariq al Hashem ambaye anatafutwa na serikali ya Irak kwa kudaiwa kuhusika na vitendo vya kiuaji alikimbia nje ya nchi baada ya kutokea kutokuelewana na serikali ya waziri mkuu wa Irak Nuri al Marik na kugomea kuingia bungeni kwa madai waziri mkuu huyo anatumia nguvu na kuhodhi madaraka yote.
Hata hivyo Tariq al Hashem amakuwa akikanusha madai hayo na kudai hizo ninjama za kisiasa na maisha yake yapo hatarini akirudi nchi Irak.

Ufaransa yapata rais mpya Francois Hollande na Nikolas Sarkozy ashindwa uchaguzi.

Ufaransa yapata rais mpya Francois Hollande na Nikolas Sarkozy ashindwa uchaguzi.

Paris, Ufaransa - 06/04/2012. Matokeo ya uchaguzi nchini Ufaransa yamemng'oa madarakani  rais wa sasa wa nchi hiyo Nikolas Sarkozy.

Katika matokea ya uchaguzi huo aliyekuwa mpinzani wa  rais Sarkozy,  Hollande  ambaye anatarajiwa kuchukua ofisi ya urais pindipo atakapo apishwa alishinda kwa kupata asilimia 52% zidi ya Sarkozy 48%

Nikolas Sarkozy alisema " nimekubali kushindwa na watu wa Ufaransa wameongea kupitia kura zao."

Naye Francois Hollande ambaye ameshinda uchaguzi huo alisema " wananchi nawashurkuru kwa kunipa nafasi ya kuwa rais wa Ufaransa, na nitaifanya kwa moyo mmoja na kuilinda  Ufaransa na watu wote Waufaransa kuwa sawa na kupata haki sawa kuanzai mtoto hadi mkubwa.

"Ufaransa ni ya watu wote, kwani tumekuwa tukigawanywa na kuanzaia sasa ni mwisho na hakuna mtu ataruhusiwa kufanya hivyo na niwajibu wangu kutimiza ya kuwa kila Mfaransa lazima ashirki katika kujenga taifa letu na lazima tuaandae taifa la vijana wa kesho wa Kifaransa na sisi ni Wafaransa na lazima tujue hili.

"Amani, usawa na haki za binadamu na kila ambacho kinahitajika kwa binadamu lazima kila Mfaransa  apate viva Ufaransa."

Matokeo ya uchaguzi nchini Ufaransa nchini Ufaransa yalikuwa yanatazamiwa tangu hapo mwanzo yalikuwa 

ya vuta ni kute kati ya Sarkozy na Hollende kutokana na  kupishana kimirengo ya kisiasa.

Mamia waandamana kupinga kuapishwa kwa Vladmir Putin.

Moscow, Urusi - 06/05/2012. Baadhi ya mamia ya watu wameandaman jiji Moscow ili kupinga kitendo cha kutaka kuapishwa kwa rais Vladimir Putin.
Kufuatia maaandamano hayo watu wapatao 400 wamekamatwa na polisi kwa kufanya vurugu kinyume na sheria.
Habari kutoka kwa msemaji wa polisi zinasema " watu 20,000 wameudhuria katika maandamano hayo.
Waandamanaji hao walikuwa wamebeba mabango yaliyo andikwa " tumechokwa kudanganywa."
Tangu kuchaguliwa kwa  Vladimir Putin kuwa rais,  Urusi imekuwa ikikumbwa na maandamano ya hapa na pale kwa kupinga kitecho hicho cha kuchaguliwa kwake kuwa rais.

Baraka Obama aanza kampeni za uchaguzi rasmi.

Columbus, Marekani - 06/05/2012. Rais wa Marekani ameanza kampeni ya urais nchini humo ambao unatazamiwa kufanyika mwaka huu.
Baraka Obama alisema " Demokrati watashinda uchaguzi kwa kutumia mikakati yake ile ile ya kuwahusisha wananchi kwa kuwatembelea mlango kwa mlango mtaa kwa mtaa ili kuwahakikishia  Wamarekani ya kuwa bado wanauwezo wa kungoza nchi.
" Lazima tukumbuke ya kuwa tunasonga mbele na haturudi nyuma."
Rais Baraka Obama anatarajiwa na kugombania urais na mpinzania wake wa chama cha Republikani  Mitt Romney ambaye amehaidi pia kuwa atamshinda Baraka Obama.


Wasudani wakubaliana na mpango wa Umoja wa Afrika.

Adis Ababa, Ethiopia - 06/05/2012. Mpango wa kuleta amani nchini Sudan ambao ulipendekezwa na  umoja wa nchi za Africa ili kuleta amani ubekubalika.
Sudan na Sudai ya Kusini zimekubaliana kutimiza mpango wa kuleta amani  kawati ya nchi hizo mbili ambao ulipendekezwa  ili kuhakikisha yakuwa amani inakuwepo.
Mpango huo wa kuwepo wa kuwa mbinu  saba ambao utazikutanisha nchi hizo mbili katika meza ili kujadili ni kwa jinsi gani amani itakuwepo kati yao.

Mtoto wa Muammar Gaddafi ataka Luis Moreno Ocampo kuchunguza kifo cha baba yake.

Urusi ya toa taadhari kwa ikiwa mitambo ya kijeshi itawekwa barani Ulaya na Marekani.

Moscow, Urusi - 03/05/2012. Serikali ya Urusi imesisitiza ya kuwa  inauwezo wakutumia nguvu zake za kijeshi na kushambulia mitambo ya kijeshi ya Marekani itakayo wekwa Ulaya.

Chief Generali Staff Nikolay Makarov alisema " ikiwa mitambo ya ABM ya Marekani itawekwa bila kufikia makubaliano na kusababisha hali ya usalama wa Urusi kuwa katika hali isiyo ridhisha, basi hakuna njia nyingine ni kuizuia kwa kutumia mbinu za kijeshi.

" Urusi haina mipango wa kuweka mitambo yake ya kivita nje ya nchi."

Mvutano kati ya Urusi na Marekani kuhusu kuwekwa kwa mitambo ya kijeshi ya Marekani barani Ulaya kwa madai yakuwa ni kwaajili ya kulinda usalama wa Marekani na washiriki wake zidi Iran, jambo ambalo Urusi inalitilia mashaka ya kuwa ni mmpango wa Marekani wa kutaka kukuza uwezo wa kijeshi barani Ulaya. 

Mtoto wa Muammar Gaddafi ataka Luis Moreno Ocampo kuchunguza kifo cha baba yake.

Algeirs, Algeria - 03/05/2012.  Mtoto wa kike  wa aliyekuwa rais wa Libya amemwandikia mwanasheria mkuu wa mahakama ya kimataifa kwa kutaka kesi ya ukiukwaji wa haki za binadamu ifunguliwe ili kuchunguza chanzo cha kifo cha baba yake mzazi.

Aisha Gaddafi ambaye yupo makimbiloni nchini Algeria alisema kupitia mwanasheria wake Nick Kaufman " ningependa kuchukua nafasi hii kuwakumbusha makubaliano ya Rome ambayo ndiyo msingi mkubwa wa Mahakama ya kiamtaifa inayaoshughulikia utetezi wa haki za binadamu  na naomba mwanasheria wa mahama hiyo  afanye uchunguzi wa kifo cha baba yangu Muammar Gaddafi na kufikisha swala hili kwa kamati ya usalama ya umoja wa mataifa."

Aisha Gaddafi ambaye pia ni mwanasheria amekuwa akisimamia swala la kutaka kufanyika uchunguzi wa kifo cha baba yake ambaye aliwawa baada baaada ya serikali yake kuangushwa na kundi la wapinzani kwa msaada wa NATO.

Serikali ya Marekani yatoa siri na mipango ya Osama bin Laden.

Washington, Marekani - 03/05/2012. Serikali ya Marekani imechapisha kwenye mitandao baadhi ya maelezo na mipango ambayo ilikuwa imeandaliwa na kiongozi wa kundi la Al Qaeda.
Maelezo hayo na mipango hiyo imechapishwa kwenye mtandao wa idara inayo simamia maswala kupigana na ugaidi Combating Terrorism Centre ikiwa ni moja ya  kurasa za maelezo 6,000 ambazo zilipatikana baada ya kumvamia kiongozi wa kundi hilo la Al Qaeda Osama bin Laden mwaka jana May 2011 nchi Pakistan na kumua.
Kwa mujibu wa habari zilizo patikana zinasema " maelezo yalipatikana kwenye faili za mitandao ya mtandao aliyokuwa akitumia Osama bin Laden."
Wakati huo huo baadhi ya wananchi wameendamani nchi Afghanistan katika kuadhimisha mwaka mmoja tangu kuuwawa kwa kiongozi wa kundi la Al Qaeda na jeshi la  Mareakani mwaka 2011 may.
Kutolewa kwa maelezo hayo kumekuja siku mbili baada ya  rais wa Marekani baraka Obama kumaliza kufanya ziara nchi Afghanistani na kusisitiza ya kuwa jeshi la Marekani litakabidhi maswala ya ulinzi wa Afghanistan kwa jeshi la nchi hiyo muda si mrefu.

Bomu lalipuka kanisani jijini Nairobi.

Uingereza kuimarisha ulinzi kabla ya michezo ya Olyimpiki jijini London.

London, Uingereza - 29/04/2012. Serikali ya Uingereza imetangaza ya kuwa itaweka mizinga ya kurushwa hewani na majini ikiwa katika harakagti za kuimarisha usalama kabla ya kuanza kwa mashindano ya Olimpiki hivi karibuni.
Mmoja wa mkazi wa jiji la London Brian Whelan alisema " nimeshtuka saana baada ya kujua karibu na maeneo tunayoishi yatafungwa mkitambo hiyo ya kijeshi, kwani eneo hili liona majengo mengi saana nasijui itakuwaje?
"Na ni kweli kuna swala la usalama jambo ambalo linabidi litizamwe kwa makini na linaleta mshawasha."
  Wizara ya ulinzi ya Uingereza imeamua kuweka mitambo hiyo ili m,kuweza kuimarisha usalama wa jiji la London ikiwa kutatokea majaribio ya mashambulizi ya ya kigaidi ya anga au majini.

Bomu lalipuka kanisani jijini Nairobi.

Nairobi, Kenya - 29/04/2012. Bomu limelipuka ndani ya kanisa wakati misa inaendelea jijini Nairobi na kusababisha kifo cha mtu mmoja na wengine kumia kijeruhiwa vibaya.
Mashambulizi hayo ambayo yalitokea katika kanisa lijulikanalo kama Nyumba ya Maajabu ya  Mungu katika kitongoji kijulikanalo kama Ngara.
Mmsemaji wa polisi Eric Kiraithe alisema "polisi wana habari ya kuwa mashambulizi hayo yametokea  na  bado wanaendelea na uchunguzi."
Jiji  la Nairobi limekuwa linakumbwa na mashambulizi ya mabomu, tangu kundi la Al Shabab la Somalia kutangaza ya kuwa wataishambulia Kenya kwa hali na mali, kutokana na kitendo cha jeshi la Kenya kuingilia kati mambo ya ndani ya Somalia na kuanzisha mashambulizi nchini Somalia.


Meli yakamatwa na siraha za wapinzani wa Syria.

Beiruti, Lebanoni - 29/04/2012. Serikali ya Lebanoni imekamata meli iliyo kuwa na na siraha ambazo zinasadikiwa zilikuwa zinaelekea kwenye kambi ya wapinzani wa serikali ya Syria.
Milos Strugar ambaye ni msemaji wa (UNIFIL) United Interim Force in Lebanon alisema " tumeweza kuizua meli hiyo ikiwa ni moja ya kazi zetu kuzuia uingizaji wa siraha kinyume cha sheria."
Meli ili ambayo imezuiliwa na mabaharia wake  11 imesemekana na ya kuwa meli hiyo imetokea nchini Libya ambapo kuna maghala ya siraha ambazo zilikuwa zimetumika katika kuuong'oa utawala wa Muammar Gaddafi.
Ofisi ya  mmiliki wa meli hiyo alisisitiza ya kuwa waliambiwa ya ,kuwa meli hiyo ilikuwa imeba mashine za mafuta na kwa mujibu wa sheria hawana ruhusa kufungua makontena hayo kuangalia ndani ,kuna nini.

Rais wa zamani wa Liberia akutwa na hatia.

Wake wa Osama bin Laden warudishwa Saudi Arabia.

Abbottabad, Pakistan - 27/04/2012. Wanawake waliokuwa wake wa kiongozi wa kundi la Al Qaeda, wamerudishwa nchi Saud Arabia.

Kwa mujibu wa habari kutoka serikalini zinasema " wake hao wawili wa Osama Bin Laden wamerudishwa  nchini Saud Arabia pamoja na watoto 11."

Wake hao watatu wa Osama Bin Laden walikamatwa na kuwekwa kizuizini mara baada ya mume wao kuuwawa na jeshi la Marekani mwaka 2011 mwezi May.

 

Rais wa zamani wa Liberia akutwa na hatia.

Hague, Uhollanzi - 27/04/2012. Aliyekuwa rais wa Liberia  amekutwa na hatia ya kukiuka haki za binadamu wakati akiwa kiongozi  wa nchi kwa kusadia kundi la lililo sababisha mauaji, ubakaji na unyanyaswaji nchi Sierra Leone kati ya mwaka 1996-2002.
Charles Tylor alikutwa na hatia hiyo kwa kulisaidia kundi la Revolutionary United Front (RUF) and Army Revelutionary Council (AFRC).
Hata hivyo Charles Tylor amekanusha kuhusika na vitendo hivyo.
Kufuatia kukutwa na hatia hiyo, hukumu juu ya Charles Tylor itatolewa hivyi karibuni na anatarajiwa kutumikia kifungo nchi Uingereza.

Mahakama ya kutetea haki za binadamu kuichunguza Mali.

Waumini wa dini ya Kiislaamu hawapatiwi haki zao vyema barani Ulaya. 

London, Uingereza - 24/04/2012. Shirikisho la kimataifa la  kutetea haki za binadamu Amnesty International limedai ya kuwa waumini wa dini ya Kiislaam wanabaguliwa katika baadhi ya nchi za ulaya.
Katika repoti yake Amnesty International ilisema " Watu wenye imani na dini ya Kiislaam wamekuwa na wakati mgumu katika nyanja za elimu, zakikazi na hata kuwa vigumu kupata maeneo ya kusalia.
"Ubaguzi huu ambao ni wakunuiwa juu wa Waislaam hupo hasa katika nchi za Switzerland,Ufaransa, Spain,,Beligium na Uhollanzi.
Marco Perolini mtaalamu wa mambo ya jamii na ubaguzi katika shirikisho hilo aliongeza kwa kusema "Ubaguzi huu umekuzwa na baadhi ya viongozi wa vyama vya siasa katika kila kampeni za uchaguzi ili kupata kura na inajulikana ya kuwa sheria ilisha pitishwa na muungano wa nchi wanachama wa jumiya ya Ulaya  ya kuwa ni mafuku kumbagua mtu kwa kupitia dini, rangi na imani lakini sheria hiyo imekuwa haina nguvu katika nchi wanachama."
Mvutano wa dini, wageni na imani zao katika nchi za Ulaya umekuwa ukitumiwa na wanasiasa wengi hasa katika kampeni za kutaka kura katika kipindi cha miaka ya karibuni, jambo ambalo limekuwa linaleta hali ya wasiwasi kwa baadai ya wageni waamiaji na wenyeji.

Serikali ya Izreal kuendelea na ujenzi wa makazi.

Jerusalemu, Izrael - 24/04/2012. Serikali ya Izrael imepitisha muswada wa kuruhusu ujenzi wa makazi katika maeneo ambayo Palestina inadai ni ya Wapalestina.
Waziri Mkuu wa Izrael Benjamin Netanyahu alisema " uamuzi wa kujenga makazi katika maeneo ya Sansana, Rechelim na Bruchin yalipitishwa na serikali iliyo pita."
Hata hivyo Benjamini Netanyahu hakueleza kwa kirefu kuhusu uamuzi huo wa kuruhusu ujenzi wa makazi.
Saeb Erekat mwakilishi katika majadiliano ya kuleta amani kati ya Wapalestina na Waizrael alisema " serikali ya Izrael inabidi ichague amani au kuendelea na ujenzi wa makazi katika maeneo ya Wapalestina.
"Swali ni kwamba ikiwa kuna watu wanasema kuwe na mataifa mawili  majirani ya Wapalestina na Waizrael mbona ujenzi wa makazi bado unaendelezwa?
Nafikiri uamuzi wa kuendelea kujenga maeneo hayo kuna vuga mpango mzima wa kuleta amani."
Mazungumzo kati ya Wapalestina na Waizrael yamesimama baada ya viongozi wa Palestina kukataa kuendelea na mazungumzo kwa madai ya kuwa serikali ya Izrael isimamishe ujenzi wa makazi katika maeneo inayo yashikilia.

Mahakama ya kutetea haki za binadamu kuichunguza Mali.

Hague, Uhollanzi - 24/04/2012. Mahakama ya kimataifa inayo shughulikia kezi za ukiukwaji wa haki za binadamu na mauaji ya raia inaaangalia na kufuatiilia kiundani kama makoso ya ukiukwaji wa haki za binadamu yalifanyika nchini Mali wakati wa mapinduzi ya kuing'oa serikali ya nchi hiyo.
Habari zilizo patikana kutoka ofisi ya mwanasheria mkuu wa mahakama hiyo zinasema " kunauwezekano mkubwa makosa ya ukiukwaji wa haki za binadamu yalifanyika, na ndo maaana inabidi uchunguzi ufanyike ili kujua ukweli."
Mali imekuwa na mvurugiko wa amani mara baada ya jeshi kuipindua serikali ya rais Amadou Toumani Toure na wakati huo huo  watu wa kabila la Taureg  wengi wao waliopo kaskazini mwa Mali wanataka nchi  igawanyike na wawe huru kutoka  serikali kuu ya Bamako.

Iran yazidi kujijenga kisiraha na nguvu za kijeshi.

Tehran, Iran - 24/04/2012. Jeshi la serikali ya Iran limedai yakuwa linauwezo wa kijeshi wa kulinda nchi ya Iran kwa kila namana na pia kuongezea ya kuwa siku si nyingi watazindua siraha ya kijeshi yanye uwezo wa kwenda mwendo wa kasi wa mita 100 kwa sekunde.
Kamanda wa jeshi hili  Rear Admiral  Ali Fadavi alisema " Iran itakuwa nchi ya pili kwa kuwa na uwezo huo wa kuwa na siraha ya kivita yenye uwezo wa kusari ndani ya maji kwa kasi ya mita 100 kwa sekunde.
Iran haita tikiswa na maadui zake kwani mafanikiyo yote ya kujilinda ni juhudi za wanasayansi wazalendo."
Mkuu huyo wa jeshi aliyasema hayo wakati wa uzinduzi wa mizinga aina ya IRGC uliyo fanyika hivi karibuni.
Serikali ya Iran imekuwa ikishutumiwa na nchi za Ulaya Magharibi na Marekani kwa kuwa na nia ya kutengeneza siraha za kinyuklia, jambo ambalo Iran imekuwa inakanusha kwa madai yakuwa mradi wa kinyuklia ni kwa ajili ya maendeleo ya kisanyansi.

Nchi za jumuiya ya Ulaya zaondoa vikwazo kwa Myanmar.

Korea ya Kaskazini yaitaadhalisha Korea ya Kusini.

Pyongyang, Korea ya Kaskazini - 23/04/2012. Serikali ya Kora ya Kaskazini imetishia ya kuwa inauwezo wa kuisambaza serikali ya Korea ya Kusini kwa muda wa dakika nne.
Habari kutoka serikali ya Pyongyang zilisema kupitia luninga ya taifa " tunauwezo wa kuizamabaza Korea ya Kusini kwa madakika ikiwa majaribio ya mashambulizi yatafanywa katika maeneo ya nchi yetu."
Hali ya mvutanao wa kimalumbano kati ya Korea ya Kaskazini na Kusini zimetokea baada ya Korea ya Kaskazini kutofanikwa kurusha chombo cha kisayansi angani ambacho ilitarajia kukitumia kwa njia ya mawasiliano..


Nchi za jumuiya ya Ulaya zaondoa vikwazo kwa Myanmar.

Brussels, Ubeligiji - 23/04/2012.  Jumuia ya nchi za Ulaya EU zimekubaliana kwa pamoja kuitolea vikwazo nchi ya Myanmar ambavyo vilikuwa vimewekwa kwa muda mrefu.
Uamuzi huo wa nchi za jumuia ya Ulaya EU umekuja baada ya mawaziri wa mambo ya nje wa nchi hizo walipo kutana Luxembourg.
Habari kutoka katika mkutano huo zinasema " hali inaanza kuwa ya kuridhisha nchi Myanmar, kwani wameonesha ngazi moja ya mageuzi ya kisiasa na kuna matumaini ya kuwa serikali iliyopo itaendelea kuleta magauzi bora."
Hata hivyo siyo vikwazo vyote vilivyo ondolewa, "bali vikwazo vya kuiuzia siraha Myanmar bado vitasimama palepale" ziliongezea habari kutoka mkutano huo.
Kutangazwa kwa kuondolewa vikwazo hivyo kwa nchi ya Myanmar kumekuja baada ya waziri mkuu wa Uingereza David Cameron kufanya ziara ya kiserikali nchi humo hivi karibuni, na kuweza kufanya mazungumzo na kiongozi wa upinzani Aung  Suu Kyi, ambaye alikuwa chini ya kifungo cha nyumbani kwa miaka miaka mingi.

Misri yasimamisha kuiuzia Izrael gasi.

Kairo, Misri - 23/04/2012. Shirika linalo sambaza na mushughulikia masi nchini Misri limetangaza kusimamisha uuzaji wa gasi nchi Izrael kuanzai sasa.
Mohamed Shoeb ambaye ni msemaji wa kampuni ya usambazaji gasi nchini Misri - Egypt Natural Gas Company alisema " tumeamua kusimamisha uuzaji wa gasi nchini Izrael na uamuzi huo ni wa kibiashara na wala si wakisiasa."
Waziri wa fedha wa Izrael Yuval Steinitz alisema " uamuzi wa Misri kusimamisha uuzaji wa gasi ni wa kuangaliwa kwa makini kisiasa na kiuchumi.
"Hii ni hatari kwani kunakiuka mkataba wa amani na utulivu iliyopo kati ya Izreal na Misri na uamuzi huo siyo mzuri na haufai."
Swala la uuzaji wa gasi kati ya Misri na Izrael uliingia dosari mara baada ya kuangushwa serikali ya rais Husni Mubaraka, ambapo serikali yake ilikuwa na mawasiliano mazuri na serikali ya Izreal tangu achukue madaraka ya urais 1981.


Rais wa Sudan adai ni mtutu wa bunduki ni lugha itakayo tumika  kuanzi sasa.

Khartoum, Sudan - 23/04/2012. Rais wa Sudan amekataa kuwepo na usuruhishi na majadiliano ya kuleta amani kati ya serikali yake na serikali ya Sudani ya Kusini.
Rais Omar al Bashir alisema "hatuwezi kujadiliana na kusuruhishana na serikali ya Sudani ya Kusini, kwan awaelewi kitu, ila msemo wa mtutu bunduki ndiyo lugha wanayo elewa.
"Na mazungumzo yetu kwano ni mtutu uliyo jaa sisasi."
Shirika la habari la serikali ya Sudan limesema jeshi la serikali limefanikiwa kuwaua wanajeshi 1,200 wa jeshi la Sudan ya Kusini wakati wamapambano yaliyo tokea hivi karibuni.
Mzozo kati ya Serikali ya Sudani ya Kusini na Sudani  ulianza hivi karibuni kutokana na tatizo la mpaka kati ya nchi hizo mbili ambapo inasemekana kuna utajiri wa mafuta.

Baraka Obama aongoza katika kura za maoni zidi ya Mitt Romney.

Julian Assange aanzisha kipindi kwenye Luninga -TV ya Kirusi RT News.

Moscow, Urussi - 17/04/2012. Mwanzilishi wa mtandao wa WikiLeaks ameanzisha kipindi cha mazungumzo katika luninga TV kupitia luninga TV ya kitaifa ya Urussi.

Julian Assange ambaye yupo chini ya ulinzi kwa kufungiwa kutokutembea huru, katika ufunguzi wa kipindi chake cha mazungumzo ya Luninga kwa mara ya kwanza amefanya mazungumzo na kiongozi wa kundi la Hezbollah Said Hassan Nasrallah ambaye hajawahi kufanya mahojiano na vyombo vya habari kwa muda mrefu.

Kipindi hicho kitajulikana kama The World Tomorrow, ambapo wageni mbali mbali wataalikwa kufanya mazunguzo naye.

Akiongea kabla ya kuanza kipindi hicho Julian Assange alisema "kwa kuwa na kifungo cha nyumbani, itakuwa vizuri kuweza kuongea na watu tofauti na kujifunza toka kwao."

Julian Assange yupo chini ya ulinzi kwa muda wa siku 500 sasa baada ya kesi iliyofunguliwa zidi yake ya kuhusika katika kubaka mwanadada mmoja wakati alipo kuwepo nchini Swiiden, jambo ambalo Assange anakanusha yakuwa hakumbaka mwana dada huyo.

Baraka Obama aongoza katika kura za maoni zidi ya Mitt Romney.

Washington, Marekani - 17/04/2012. Wachunguzi wa mambo ya kisiasa nchini Marekani wametoa matokeo ya utafiti wa kura za maoni wa ugombea urais ambao unaonyesha rais wa sasa Baraka Obama  anaongoza.

Kwa mujibu wa kura hizo za maoni, "Baraka Obama  wa chama cha Demokratic anaongoza kwa  52% na mpinzani wake Mitt Romney wa chama cha Republikan  kupata kura za maoni  43%." na wanacha wa chama Demokratik  kudai ya kuwa  Baraka Obama  ndiye kiongozi anayefaa kuingoza tena Marekani.

Matokeo hayo yamekuja baada ya  mgombea mwenza wa chama cha Republikan Rick Santorum kujitoa katika kinyang'anyiro cha kugombe kiti cha urais wa Mareakani na kumwachia nafasi mgombea pekee  kupitia chama hicho Mitt Romney.  

Pilika za kutaka kuwania kiti cha urais nchini Marekani zimeshaaanza kwa mwendo wa gia namba moja tayari kwa kila mgombea kujipanga wakati wa safari hiyo ndefu ya kutaka kuingia Ikulu ya Marekani.

Iran yadai Saudi Arabia haina uwezo wa kuziba pengo la mafuta.

Tehran, Iran - 17/04/2012. Waziri madini nishati na mafuta wa Iran amedai yakuwa Saudi Arabia haitaweza kukamulisha ahaadai yake ya kutoa mafuta zaidi ambayo yataitosha dunia.
Waziri Rostam Qaesem alisema " Saudia Arabia inaweza kutoa mafuta hayo kwa muda mfupi, lakini kwa kipindi kirefu hawataweza na matokeo ya ahaadi hiyo yataleta mashaka katika dunia."
Maelezo hayo ya Iran yamekuja baada ya serikali ya Saudi Arabia kuhaidi yakuwa inauwezo wa kuziba pengo la mafuta litakalo tokea baada ya Iran kuwekewa vikwazo kwa kuzalisha mafuta zaidi.
Iran imewekea vikwazo vya uuzaji wa mafuta, benki na biashara katika masoko ya nchi za Ulaya  Magharibi na Marekani, baada ya Iran kuendelea na mpango wake wa mradi wa kinyukilia.

Tanzania moja ya nchi itakayo simamishiwa misaada na Kanada

Mshitakiwa wa mauaji ya kustisha nchini Norway afikishwa mahakamani.

Oslo, Norway - 16/04/2012. Mtuhumiwa  aliye husika katika mauaji ya kutisha ya kihistoria nchini Norway amefikishwa mahakamani kujibu mashitaka yanayo mkabili.
Anders Behring Breivk 33 alifikishwa mahakamani ili kujibu mashitaka ya mauaji ya watu 77 aliyo yafanya mwaka 2011 Julai.
Akijibu baada ya kusomewa mashitaka yake Anders Breivk alisema " natambua kitendo nilicho fanya, lakini sioni kama ni kosa, kwaini nilikuwa najitete kwa kujilinda na kitendo cha Waislaam kuivamia Ulaya, na si itambui mahakama hii kwani mmepata maagizo kutoka kwa serikali ambayo ina unga mkono mchanganyiko wa watu kutoka sehemu tofauti na dini zao."
Hata hivyo Wanorway walio wengi wanahisi yakuwa Anders Breivk atatumia mahakama hiyo ili kukuza  itikadi za watu wa lengo wa kulia wanao pinga wageni na Waislamu na hasa kupitia majarida 1,500 ambayo yalichapishwa kwenye mitandao kabla ajafanya mashambulizi hayo.
Kwa mujibu wa wansheria wa Norway wanadai yakuwa Anders Behring Breivk ikiwa atakutwa na hatia huenda akahukumiwa kwenda jela miaka 21 ambayo huenda ikaongezwa na akakaa jela maisha.


Tanzania moja ya nchi itakayo simamishiwa misaada na Kanada.

Dar - es- Salaam, Tanzania - 16/04/2012. Tanzania itakuwa moja ya nchi ambazo zitakumbwa na hatua ya serikali Kanada kuamua kusimamisha kutoa misaada kwa kipindi cha miaka mitatu.

Serikali ya Kanada imeamua kusimamisha utoaji wa misaada hiyo ya kifedha yenye thamani ya dola million 400 za Kimarekani kupitia mpango unaojulikana CIDA - Canadian International Development Agency
Habari kutoka serikali ya Kanada zinasema "nchi zote  ambazo zina husika katika mradi huo zitafahimishwa kuhusu uamuzi huo siku chache kuanzia sasa."
Nchia  nyingine ambazo zitaathirika na kusimamishwa kwa kutolewa misaada hiyo ni Afghanistan, Bolivia, Mozambique na Pakistan.


Boko Haram kutishia kuangusha serikali ya Goodluck Jonathan.

Lagos, Nigeria - 16/04/2012. Kundi linalo pingana na serikali ya Nigeria na lenye itikadi kali ya kidini nchini Nigeria limetishia kuiangusha serikali ya nchi hiyo.
Mmoja wa viongozi kundi hilo Boko Haram alisema katika video ilyopatika " tutaiangusha serikali ya Goodluck Jonathan katika kipindi cha miezi mitatu."
Tishio hilo limekuja baada ya serikali ya Nigeria kupata msukumo kutoka serikali ya Marekani ili kupambana na makundi ambayo yanaleta mvurugo wa amani nchi Nigeria.


Benki ya dunia yapata rais mpya.

Johannesburgh, Afrika ya Kusini - 16/04/2012.  Matumaini ya nchi za Afrika kupata rais wa benki hya dunia ya mefutwa,baada ya Dr Jim Yong Kim kuchaguliwa kuwa rais wa benki hiyo.
Dr Jim Yong Kim, raia wa Marekani mwenye asili ya kutoka  Korea, alichaguliwa na kuwaacha wapinzani wake walio kuwa wakigombea kiti hicho kwa udadisi mkubwa.
Bara la Afrika lili kuwa limempendekeza Bi Ngozi Okonjo Iweala ambaye ni waziri wa Afya wa Nigeria kugombea kiti hicho, lakini hakufanikiwa kutoka na upinzani ulikuwepo katika kinyanganyiro hicho cha kugombea kazi ya juu ya kimataifa katika kusimamia mswala ya fedha.
Kabla  ya matokeo hayo, Bi Okonjo Iweala alisema " uchaguzi wa urais wa benki ya dunia haukufanyika kimsingi."
Uongozi katika benki ya dunia umekuwa ukielezewa ya kuwa unaupendeleo wa aina fulani kwa uongozi huo huwa unapelekwa kwa nchi zilizoendelea, jambo ambalo linatoa mthiani kwa bara la Afrika na uongozi wake.

Umoja wa Mataifa walaani kitendo cha Korea ya Kaskazini kukiuka sheria za kimataifa.

Washington, Marekani - 16/04/2012. Kamati ya usalama ya umoja wa Mataifa imelaani kitendo cha Korea ya Kaskazini kurusha roketi kinyume cha sheria.
Laana hiyo kutoka katika kamati ya usalama ya umoja wa Matifa, imekuja baada mtambo wa kisayansi wa Korea ya Kaskazani kuharibika baada ya kurushwa hivi karibuni.
Kamati hiyo ya usalama ya umoja wa Mataifa ilisisitiza pia vikwazo lazima viwekwe kwa viongozi na makampuni yaliyopo Korea ya Kaskazini,ili kuifanya serikali ya Korea ya Kaskazini kubadili msimamo wake wa kinyuklia.
Mvutano wa kinyuklia kati ya  nchi za Magharibi na hasa Marekani kwa kudai yakuwa Korea ya Kaskazini ilikuwa na mpango wa kurusha roketi ili baadaye wajaribu bomu la nyuklia.

Mtambo wa Korea ya Kaskazini washindwa kufika mwezini.

Serikali ya Baraka Obama kuimarisha vitega uchumi barani Afrika.

Washington, Marekani - 13/04/2012. Wachumi,wafanyabiashara na wanasiasa wa Marekani wameitaka serikali izidishe kuwekeza vitega uchumi katika bara la Afrika.

Maagizo hayo yamekuja baada ya muswada kupitishwa ili kuimarisha na kuzidisha vitega uchumi katika bara la Afrika na kusema  "kwani kwa kufanya hivyo kutaimarisha uhusiano kati ya Waafrika na Wamarekani."

Uamuzi huo wa kupitishwa muswada huo wa kuwekeza vitega uchumi barani  Afrika umekuja ili kuweza kuikabili China ambayo imeisha jiweza na kuimarika katika bara la Afrika kwa muda sasa.

Muswada huo ambao umepitishwa katika serikali ya Baraka Obama utafatilia miswada mingine iliyopitishwa wakati wa utawala wa George Bush na Billy Clinton ambapo serikali hizo zilipitisha miswaada ya kiuchumi na kiutu ili kuimarisha maisha ya watu wa Afrika na kuinua uchumi kwa jumla.

Hali shwari nchini Syria na UN kupeleka wawakilishi wake.

Damascus, Syria - 13/04/2012. Umoja wa Mataifa umechagua watu 30 ambao watakwenda nchini Syria, ili kusimamia hali ya amani nchini humo.
Wawakilishi hao  ambayo bado kutajwa, watakuwa nchini Syria ili kuhakikisha amani inakuwepo na kusimamia mpango mzima wa majadiliano ya kisiasa " alisema Kofi Annan ambeye ni mwakilishi mkuu wa umoja wa Mataifa katika kusuruhisha ugomvi kati ya serikali ya Bashar al Assad na wapinzani ambao wanasaidiwa na nchi marafiki wanao pinga serikali ya Assad.
Leo ni siku ya pili tangu mswada wa kusimamisha mapigano kati ya majeshi ya serikali na ya upinzani  kutimizwa, baada ya Kofi Annan mwakilishi wa umoja wa Matifa kuzitaka pande zote mbili kuachana na mapambano ya kivita na kukaa chini kujadiliana kuhusu hali haya kisiasa na demokrasia ambayo itawanufaisha wa Syria wote.

Rais Robert Mugabe hana matatizo ya kiafya. 

Harare, Zimbabwe - 13/04/2012. Rais wa Zimbabwe amerudi Zimbabwe baada ya  ziara isiyo ya kiserikali nchini Singapore.
Kurudi huko kwa rais Robert Mugabe, kumetuliza habari zilizo kuwa zimeenea kuhusu hali yake ya kiafya, ambapo ili semekena ya kuwa " alikuwa anaumwa sana na yupo huko kwa matibabu."
Waziri wa habari Webster Shamu alisema " nafikiri mumemwona rais yupo imara kama chuma cha pua, nafikiri kutangaz habari za uongo siyo vizuri na tunajua hizi ni mbinu za mabepari."
Rais Robert Mugabe aliambatana na mkewe Grace huku Singapore ambapo habari kutoka serikalini zilisema " rais yupo huku kwaajili ya kuashughulikia maswala ya shule ya mtoto wake Bona."
Mugabe alionenekana akicheka na kufurahi na viongozi waliokuja kumpokea wakatia alipo wasili nchini Zimbabwe jana.


Mtambo wa Korea ya Kaskazini washindwa kufika mwezini.

Pyong Yang, Korea ya Kaskazini - 13/04/2012. Serikali ya Korea ya Kaskazini imekili ya kuwa mtambo a kisanyansi ambao waliurusha angani kwenda mwezini umeharibika kabla ya kufika huko.
KCNA-Shirika la habari za Korea ya Kaskazini liripoti "mtambo ambao ulirushwa angani umeshindwa kufika  baada ya kutokea matatizo ambayo hayajajulikana na kuanguaka baharini.
Wataalamu wameanza uchunguzi wa chanzo cha kuanguka kwa mtambo huo."
Mtambo huo ulikuwa umerushwa ili kumbatana na miaka 100 ya shereha ya kuzaliwa kiongozi mwasisi wa Korea ya Kaskazini Kim Ill Sung na kumkumbuka kiongozi mwingine Kim Ill Jung ambaye alifariki mwezi  Desemba 2011.