Hamas na Izrael wakubaliana kuachiwa wafungwa.

Hamas na Izrael wakubalia kuachiwa wafungwa.

Gaza, Palestina - 11/11/2011. Kiongozi wa kundi la Hamas ametangaza ya kuwa Wapalestina waliofungwa katika jela za Izrael wataachiwa kwa kubadilishana na askari wa Izrael aliye kamatwa mwaka 2006.

Khaled Meshaal alisema " Wapalestina wapatao 1,000 wataachiwa na askari wa Izrael Gilad Shalit ataachiwa huru, ikiwa ni moja ya msharti yaliyofikiwa kwa pamoja na serikali ya Izrael na Hamas."

"Na haya ni moja ya mafanikio ya kujivunia kwani kati ya watu watakao achiwa ni pamoja na wale waliohukumiwa vifungo vya maisha na waliokaa jela za Izrael kwa muda mrefu." alisema kiongozi huyo wa Hamas,

Waziri mkuu wa Izrael Binyamin Netanyahu aliwashukuru watu wote walioshiriki katika mikutano hiyo kwa kupitia mtando wa twiiti kwa jitihada zao katika mpango wa kuachiwa Gilad Shalit.

Habari zilizo patikana zinasema, jitihada hizo zilifanywa na nchi za Syria, Katar, Ujerumani na Misri nchi wenyeji wa vikao vyote.

Siku za nyuma Izrael na Hamas wamekuwa wakibishana katika jitihada za kubadilishana wafungwa na kuachiwa huru kwa Gilad Shalit.

Walaiberia wafanya uchaguzi mkuu wa urais.

Monrovia, Liberia 11/10/2011. Maelfu ya Walaiberia wamepiga kura ili kumchagua rais atakaye waaaongoza kipindi kingine cha miaka mitano.

Rais aliyekuwa anaongoza kwa kipindi cha miaka mitano iliyo pita, na mshindi wa zawazi ya Nobel ya mwaka 2011, Bi Ellen Johnson Sirleaf alipiga kura katika jimbo lake, huku wapinzani wake wakuu Winston Tubman na mchezaji bora wa mpira wa miguu George Weah kwa pamoja wakiungana katika jitihada za kutaka kushinda kura ili kuiongoza Liberia.

Baada ya kumaliza kupiga kura yake Ellen Johnson Sirleaf alisema " nitakubaliana na matakwa ya Wanchi wa Liberia kama nikikosa kuchaguliwa kuwaongoza tena."

Liberia nchi ambayo ilikumbwa na vita vya wenyewe kwa wenyewe kwa muda mrefu na ambavyo vilimalizika mwaka 2003, na kufanya uchaguzi wa kwanza mwaka 2005, ambapo rais aliye maliza muda wake Bi Ellen Johnson Sirleaf alichaguliwa kuwa rais wa nchi hiyo na kuwa rais wa kwanza mwanamke katika bara la Afrika.

Kipindupindu bado tishio barani Afrika.

Geneva, Uswis - 11/01/2011. Shirika la Umoja wa Mataifa linaloshughulikia maswala ya watoto UNICEF rimeripoti ya kuwa watoto zaid ya 2,000 walipoteza maisha na wengine 85,000 kudhulika na ugonjwa wa kipindupindu tangu mwazo mwa mwaka huu 2011 hadi sasa.

Msemaji wa UNICEF Maxime Mercado alisema " Wananchi Waishio Kusini mwa jangwa la Sahara wameathiriwa kwa kiasi kikubwa na ugonjwa wa kipindupindu, hivyo ipo haja ya mbinu mbadala kufanyika ili kuutokomeza ugonjwa huo."

"Nchi za Kameroon, Chad, Jamuhuri ya Kongo, Ghana, na Nigeria zimeathiriwa kwa kiasi cha asilimia 90 kulinganisha na nchi nyingine ishirini ambazo zilikubwa na ugonjwa huo katika bara la Afrika." alimalizia msemaji wa UNICEF

Uginjwa wa kipindupindu unasabalishwa wadudu wajulikanao kama vibrio ambapo wadudu hawa hupenda kukaa kwenye maji na vyakula vichafu tayari kumdhuru binadamu atakaye kunywa au kula chakula chenye wadudu hao.

Dalili za ugonjwa wa kipindupindu ni kutapika na kuharisha kwa mfurulizo hadi kuishiwa nguvu.

Rais mstaafu wa Cape Verde atunzwa zawadi ya Mo Ibrahim,

Rais mstaafu wa Cape Verde atunzwa zawadi ya Mo Ibrahim.

Praia, Cape Verde - 10/10/2011. Aliyekuwa rais wa Cape Verde amechaguliwa na kama mshindi wa zawadi ya Mo Ibrahim na kuzawadia kiasai cha dola za Kimarekani Million 5.

Mstaafu rais Pedro Verona Pires amepewa zawadi hiyo kwa kuwa mtastari wambele katika kujenga nchi yake kiuchumi, kidemokrasia na kulete amani.

Kufuatiwa kutunukiwa zawadi hiyo rais mstaafu Pedro Veroana Pires alisema " nitaziwekeza pesa hizo kwenye mradi wa kuandika kitabu kuhusu historia ya Cape Verde hadi uhuru, na sina mawazo ya kuwekeza katika biashara au kitu kinacho fanana na ubiashara."

Rais mstaafu Pedro Verona Pires alikuwa mmoja ya viongozi waliopigana katika kuung'oa utawala wa Kireno kisiwani humo hadi uhuru mwaka 1975.

Habari za kuchaguliwa kwake rais mstaafu Verona Pires, zilimkuta akiwa anafanya mazoezi ya viungo.

Askofu mkuu wa kanisa la Anglikani akutana na rais Robert Mugabe.

Harare, Zimbabwe - 10/10/2011. Askofu mkuu wa kanisa la Anglikani wa Uingereza amekutana na rais wa Zimbabwe Robert Mgabe kwa mazungumzo, baada ya hotuba yake ya kuishutumu serikali ya Zimbabwe kwa kuwakandamiza baadhi ya waumini wa madhehebu ya Kianglikani.

Askafu Rowan Williams alikutana na rais Robert Mugabe kwa na kujadili hali halisi ya kidini nchini humo hasa kutokana na malalamiko kutoka kwa baadhi ya waumini wa kanisa la Aglikani wanao dai ya kuwa wananyanyaswa kutokana na uumini wao.

Akiongea Askofu Rowans Williams alisema "nimemwomba rais Mugabe atumie uwezo wake kuzuia uonevu na unyanya swaji kwa waumini wa madhehebu mengine na nimemkabidhi faili la maonevu yote yaliyo tokea na naamini atayachughulikia."

Hata hivyo habari kutoka ndani ya mkutano huo, zinasema "rais Robert Mugabe hakuwa na habari yoyote yakuwa hali hii na alimkumbusha historia ya kanisa la Aglikani ya kuwa limetokana na kanisa la katoliki."

Mkutano wa rais wa Zimbabwe na Askofu mkuu wa kanisa la Anglikani umefanyika ilikutatua matatizo yaliopo kimadhehebu nchini Zimbabwe.

Wakristu wa Kikoptik na Waislaam wenye siasa kali wapambana nchini Misri.

Kairo - Misri - 10/10/2011. Maelfu ya umini wa Kikristu wa madhehebu ya kanisa la Koptik wameilalamikia serikali ya Misri kwa kitendo cha kuwapuuza na kutowalinda waumini wa dhehebu hilo.

Malalamiko hayo yalitolewa wakati wa mazishi ya waumini wenzao ambao waliuwawa wakati wa ghasia zilizo tokea hivi karibuni.

Kiongozi mkuu wa kanisa hilo Shedua III amelaumu ghasia hizo na kuwataka waumini wa dhehebu hilo wafunge kwa muda wa siku tatu, huku wakifanya maombi ya kuwepo na amani nchini humo kwani "chuki zimekuwa waziwazi kati ya jamii ya Wamisri na kusababisha maisha ya watu zaidi ya 24 kupotes na wengine kujeruhiwa."

"Ukristu unakataa machafuko na ugomvi". Alisema mkuu huyo wa kanisa la Koptic."

Kufuatia tukio hilo, uongozi wa serikali ya Misri imeitisha mkutano wa dharula ili kujadili ni mbinu gani watafanya kuzua fujo kama hizo zi sitokee tena,

Wapalestina wamlaumu Yony Blair.

Dolla Million 10 zatolewa kwa kichwa cha kiongozi wa Al Qaeda

Washington, Marekani - 09/10/2011. Serikali ya Marekani imetangaza zawadi ya dolla za Kimarekani Million 10, kwa mtu atakaye toa habari za mahali alipoa Ibrahim"Awwad Ibrahim" Ali al Badri ama maarufu kwa jina Abuu Dua.

Zawadi hiyo ya donge nono imetolewa ili kuwezesha kukamatwa kwa Abuu Dua, ambaye ni kiongozi wa kundi la Al Qaeda nchini Irak.

Abuu Dua ambaye alitangaza ya kuwa atalipa kisasi kutokana na kitendo cha jeshi la Marekani kumwua aliyekuwa kiongozi wa kundi la Al Qaeda Osama bin Laden.

Kundi la Abuu Dua limedai kuuhusika na mauaji yaliyo tokea hivi karibu nchini Irak katika mji wa Masul.

Wapalestina wamlaumu Tony Blair.

Brussels, Ubeligiji - 09/10/2011.Viongozi wasimamizi wa maswala ya Wapalestina na Waizrael wamekutana ili kujadili mbinu ya kuzishawishi pande hizo kurudi kwenye meza ya mazungumzo.

Viongozi hao kutoka Marekani, Umoja wa Ulaya na Urusi walikubaliana kwa pamoja kufanya kila jitihada ili Wapalestina na Waizrael warudi katika mazungumzo tayari kwa kumaliza mgogoro uliyopo kati ya pande hizo mbili na kuleta amani ya kudumu.

Catherine Ashton ambaye ni mkuu wa maswala ya kigeni ya umoja wa Ulaya alisema " uongozi wa kamati ya kusimamia kutatua matatizo kati ya Wapalestina na Waizrael, watawaalika viongozi viongozi wa pande zote mbili ili kuanza mazunguzo."

Hata hivyo uongozi wa Wapalestina umesema "hautarudi kwenye mazungu hadi hapo serikali ya Izrael itakapo simamisha ujenzi wake katika maeneo iliyo yachukua kwanguvu na kukubali kufuatia makubaliano ya mipaka ya mwaka 1967."

Nayo serikali ya Izrael imesema " haina haja ya kuwekwa masharti ili kuanza mazungumzo kama inavyo daiwa na Wapalestina."

Mohamed Shtayyeh ambaye in mmoja wa viongozi wa ngazi ya juu katika serikali ya Wapalestina ametamka kwa kusema " inabidi Tony Blair ajiudhulu wadhifa wake kwani anaonekana kutokuwa na mwelekeo wa usawa,kwa kupinga maombi ya Wapalestina kutambulika na umoja wa mataifa kuwa kama taifa."

"Amekuwa akutumia wadhifa wake kuzishawishi nchi za Ulaya kupinga maombi ya Wapalestina, hivyo nasikitika inabidi ajitoe." aliongezea Shtayyeh.

Wanachi wa Kenya wamuaga mama Wangari Maathai kwa mara ya mwisho.

Wananchi wa Kenya wamuaga mama Wangari Maathai kwa mara ya mwisho.

Nairobi, Kenya - 09/10/2011. Maelfu ya wanchi wa Kenya wakiongozwa rais Mwai Kibaki na waziri mkuu Raila Odinga wameungana pamoja katika bustani ya uhuru ili kumwaga mama Wangari Maathai 71, kwa mara ya mwisho, kabla ya kufanywa mazishi ya uchomwaji kama alivyo agiza.

Rais Mwai Kibaki alisema " Wangari Maathai alijitolea katika kujenga taifa na njia bora ya kumbumbuka ni kuendeleza kazi ailiyokuwa anaifanya."

Wangari Maathai alikuwa mwanamke mwafrika wa kwaza kuzawadiwa tunzo ya Nobel kutokana na juhudi zake za kujenga mazingira kupitia kitengo alicho anzisha kijulikanacho the Green belt Movement.

Tunu ya tunzo la amani yazawadiwa kwa wanawake watatu kwa pamoja.

Tunu ya tunzo la amani yazawadiwa kwa wanawake watatu kwa pamoja.

Oslo, Norway - 07/10/2011. Kamati inayo simamia na kuchagua watu wa kutunukiwa zawadi ya amani duniani, ya Nobel wamewachagua wanawake watatu kwa pamoja kama washindi wa tuzo hiyo.

Wanawake waliotunukiwa ni rais wa Liberia ellen Johnson Sirleaf, Bi,Tawakul Karmal wa Yemen na mwanaharakati wa kutetea amani nchini Liberia Bi Leyhmah Gnowee.

Mwenyekiti wa kamati ya kutoa tunzo ya Nobel Thorbjorn Jagland alisema " kupewa tunzo kwa wanawake hawa ni ishara yakuwa amani ya dunia itafanikiwa ikiwa tutapata wanawake wenye moyo kama hawa dunia nzima ambao watashiriki katika kuleta maendeleo kwenye nyanja zote kijamii na kiuchumi."

" Hii ni ishara kubwa ya mkuwa ukandamizwaji wa wanawake lazima ukomeshwe, kwani wanauwezo sawa kama wanaume."

Uamuzi huo wakuwatunukia wanawake hao, umekuja kutokana na jitihada walizo zionyesha katika nafasi zao bila kutumia vurugu au kusababisha kuvurugika kwa amani.

Bi Ellen Johnson, amepewa tunzo hiyo kwa kuwa rais wa kwanza mwanamke katika bara la Afrikana Bi Tawakul Karman kuwa mmoja wa kiongozi katika kuleta demokrasi chini Yemen.

Uamuzi wa kusimasha mashambulizi Libya upo chini ya wakuu wa Jeshi wa NATO

Washington, Marekani - 07/10/2011. Serikali ya Marekani inaamini ya kuwa NATO imekamilisha kazi yake nchini Libya, na maamuzi ya jeshi la anga bado yanaangaliwa kwa makini kutegemea hali halisi.

Waziri wa ulinzi wa Leon Panetta alisema " swala zima la Libya litategemea hali ya usalama wa raia na kung'olewa kwa Muamar Gaddafi, vilevile kama serikali ya mpito inaweza leta usalama nchini humo."

"Uamuzi upo chini ya wakuu wa jeshi."

Tathmini hiyo ya hali ya Libya imetolewa wakati waziri wa ulinzi wa Marekani amefanya mazungumzo na viongozi washiriki wake NATO.

Tumeshindwa kuleta usalama na amani nchini Afghanistan asema rais Hamid Karzai.

Kabul, Afghanistan -07/10/2011. Rais wa Afghanistan amekubali yakuwa jeshi la US, NATO na waserikali yake wameshindwa kudumisha usalama na amani nchi Afghanistan japo ni miaka 10 imepita.

Rais Hamid Karzai alisema, " matatizo yanaanzia nchini Pakistani, wengi ya wapiganaji wa Talibani wanatokea Pakistani na serikali ya nchi Pakistani hajatilia mkazo katika kupambana na Talibani."

"US, NATO na majirani zetu Pakistan kwa kushirikiana walitakiwa toka mwanzo kung'oa mizizi ya Talibani, lakini hakukua na ushirikiano katika jambo hili."

Vilevile rais Hamid Karzai alihaidi kuachia madaraka ifikapo mwaka 2014 naameanza kuandaa njia kwa yoyote atakaye kuja badala yake.

Vita vya Afghanistan vimetimiza miaka 10 siku ya leo tangu kuanza ambapo jeshi la Marakani NATO na washirika wake walipo anzisha mashabulizi zidi ya Taliban kwaka 7/10/2001.

Mwanzilishi wa kampuni ya Apple afariki dunia.

Mwanzilishi wa kampuni ya Apple afariki dunia.

Califonia, Marekani - 06/10/2011. Aliyekuwa mwanzilishi na mkurugenzi mkuu wa kampuni ya mtandao wa Apple amefariki dunia baada ya kuugua kwa muda mrefu.

Stev Jobs 56, ambeye ugunduzi wake wa mtandao wa simu za aina ya Apple, alifariki dunia baada ya kuungua kwa muda mrefu ugonjwa wa saratani kongosho karibu na mapafu. Kufuatia kifo chake viongozi na wanchi mbalimbali wametoa salamu zao za rambirambi kwa familia na wafanyakazi wa Apple kwa msiba uliyo wakuta.

Bill Gate alisema " Dunia imepoteza mtu ambaye ameleta mabadiliko makubwa na mabadiliko hayo yata gusa vuzazi vijavyo, na tutamkumbuka kila siku ya maisha yetu." Steve Jobs ambaye atakumbukwa milele kwa kuleta mabadiliko makubwa katika mitandao ya simu za Apple aliachia madaraka ya kuwa mkurugenzi mkuu wa kampuni ya Apple mwishoni mwa mwezi wa Augustus mwaka huu, ilikupata muda wa mapumziko.

Bendera zimewekwa nusu mringoti katika ofisi zote za Apple huku watu wakikusanyika kuweka maua na kadi chini ya bendera zenye picha ya Steve Jobs, kwa kumtakia mapumziko mema milele.

Mahakama ya Hague kuchunguza vita vya Ivory Coast.

Hague, Uhollanzi - 06/10/2011.Mahakama ya kimataifa inayoshughulikia kezi zidi ya ukiukwaji wa haki za binadamu imepewa ruhusa kuchunguza kama kulikuwa na ukiukwaji wa haki za binadamu nchini Ivory Coast wakati wa vita vya wenyewe kwa wenyewe.

Mahakama hiyo iliyopo Hague nchini Uhollanzi ilitoa ruhusa kwa mwanasheria mkuu wa mahakama hiyo kuanza kuchunguza mwenendo mzima wa vita vilivyo tokea nchini Ivory Coast wakati makundi mawili yaliyo kuwa yakiongozwa na rais wa sasa wa nchi hiyo Alassane Ouattara na yale ya aliyekuwa rais aliyetolewa kwa kwanguvu za kijeshi Laurent Gbagbo.

Mwanasheria huyo Moreno Ocampo anatarajiwa kuchunguza mauaji yaliyo tokea ambapo inasadikiwa zaidi ya watu 3000 walipoteza maisha yao na wengi kujeruhiwa wakati wa mapambano ya makundi hayo.

Nayo mashirika ya kutete haki za binadamu yalitoa ripoti kwa kualaumu pande zote mbili kwa kuhusika na ukiukwaji wa haki za binadamu wakati wa vita vya wenyewe kwa wenyewe nchi Ivory Coast.

Kanali Muamar Gaddafi aongea akiwa mafichoni.

Sirte, Libya - 06/10/2011. Rais aliyetolewa madarakani nchini Libya amewahimiza wananchi kuandamana katika mitaa yote ya nchini Libya kwa madai, Libya imeharibiwa na wasaliti kwa msaada wa majeshi ya wavamizi.

Muamar Gaddafi alisema " hali ya Libya imekuwa na halimbaya na kila kitu kimeharibiwa, hivyo ni wakati wa wanchi wa Libya kusimama na kupinga uharibifu unaofanywa na wasaliti na majeshi ya uvamizi huku, mkinyanyua bendera ya kijani kwani hii ni haki yenu na nchi ni yenu."

"Na hawa wanao jiita viongozi wa serikali ya mpito wamechaguliwa na nani?" Aliuliza Muamar Gaddafi.

Rais huyo wa Libya ambaye hajulikani yupo wapi hadi sasa, ujumbe wake ulitangazwa kwa kupitia moja ya mtandao wa habari uliopo nchini Syria.

Askofu Desmond Tutu aishambulia serikali ya Afrika ya Kusini.

Askofu Desmond Tutu aishambulia serikali ya Afrika ya Kusini.

Cape Town- Afrika ya Kusini - 04/10/2011. Askofu mstaafu wa kanisa la Anglikani la Afrika ya Kusini Desmond Tutu ameishabulia na kulaani kitendo cha serikali ya Afrika ya Kusini kuchelewecha kumpa visa kiongozi wa Watibeti Dalai Lama.

Akiongea na waandishi wa habari Askofu Tutu alisema " siamini kama yaha yanaweza tokea hapa nchini kwetu, serikali ANC imekuwa ya kibaguzi (Apartheid) inatia aibu, na nitaombea ianguke, kwani kuwa na watu wengi wanao uunga mmkono siyo sababu ya kutokuanguka."

Kufuatia ucheleweshaji wa viza, Dalai Lama ameamua kufuta safari yake ya kwenda Afrika ya Kusini ambapo alitarajiwa kusherekea miaka 80 ya kuzaliwa kwa Askofu Desmond Tutu na kupewa tuzo ya amani ya Mahatma Gandhi.

Hata hivyo habari kutoka serikali ya Afrika ya Kusini zinasema " hatukumyima viza Dalai Lama, bali tunafuata utaratibu wa kutoa viza kisheria."

Wakati huohuo uongozi wa serikali ya Afrika ya Kusini umedai kufuatialia kwa ukaribu yote yaliyoongelewa na Askofu Tutu.

Waandamanaji maeneo jengo la hisa la Wall Street.

New York, Marekani - 04/10/2011. Mamia ya waandamanaji wamekusa nyika karibu na jengo kuu ambamo biashara za hisa huwa zinafanywa, kwa kudai myumbo wa uchumi unasababishwa na biashara hizo.

Jengo hilo maaraufu kwa jina Wall Street, lilivamiwa huku waaandamanaji wakiwa na na mabango yanayo laani biashara hiyo.

Mmoja wa waandamanaji hao alisema " wanaiba mabilioni, wanatumia pesa zetu za kodi kwa kulipia hasara zilizo letwa na babenki ya hisa, hivyo umefika wakati wa wananchi kudai haki zao."

Kufuatia maandamano hayo watu wapatao 700 walikamatwa na polisi kwa kuzuia barabara katika daraja la Brookln na maeneo mengine.

Ujerumani yaingeza nguvu sarafu ya Euro.

Mahakama kuendelea kusikiliza kesi kuhusu kifo cha Michael Jackson.

Los Angeles, Marekani -29/09/2011. Mahakama katika jiji la Los Angeles, bado inaendelea kusikiliza kesi zidi ya mganga Conrad Murrey, ambaye anashutumiwa kwa kosa la kusababisha kifo cha nyota na bingwa wa musiki ya pop Michael Jackson.

Kesi hiyo ambayo imeanza hivi karibuni, baada ya uchunguzi kumalizika ili kujua nini kilimwua bingwa huo wa musiki

Hata hivyo muuguzi huo Conrad Murray amekana kosa hilo na kesi bado inaendelea kusikilizwa.

Ujerumani yaiongeza nguvu ya sarafu ya Euro.

Berlin, Ujerumani-29/09/2011.Bunge la Ujerumani limeidhini kwa kura mswada wa serikali ya nchi hiyo kuikomboa sarafu ya euro ambayo ilikuwa ipo mashakani kutoka na myumbo wa kiuchumi fedha uliyopo katika nchi wanachama wa jumuia ya Ulaya.

Matokeo ya kura 523 yaliyo unga mkono muswada huo, yalimpa uhai mkubwa Kansela Angela Merkel, kwani hapo mwanzo wa majadiliano ya muswada huo ilionekana ya kuwa itakuwa vigumu kupitishwa.

Kufuatia uamuzi huo wa Ujerumani kuilinda sarafu ya euro, masoko ya fedha katika bara la ulaya yalionekana kufanya vizuri kwa hisa kupanda.

Ujerumani imekuwa nchi pekee katika nchi wananchama wa jumuia ya Ulaya ambayo imekuwa inasimamia sarafu ya eoro kwa hali na mali.

Waganga na wauguzi wahukumiwa kwenda jela Bahrain.

Manama, Bahrain - 29/09/2011.Maganga na wauguzi ambao walishiriki kuwatibu watu walioumia wakati wa maandamano ya kupinga serikali wamehukumiwa vifungo vya miaka tofauti kati miaka 5 na 15 jela.

Waganga hao na wauguzi ambao walikuwa katika hospitali ya Sulmania, wanashutumiwa kuwa kwa kuwatishia walinzi wa usalama kwa kutumia siraha, visu na vifaa vingine vya kufanyia upasuaji.

Msemaji wa wizara ya habari ya Bahrain Sheikh Mubarak Abdulaziz Khalifa alisema "waganga hao na wauguzi walifanya kitendo cha kigaidi kwa kuwazuia walinzi wa usalama wasifanye kazi zao na kushiriki katika maandano kinyume na sheria."

Hata hivyo wauguzi hao walikana makosa hayo na kuomba shirikisho la wauguzi kuingilia dunia kuingilia jambo hili kwa kudai "nikinyume na sheria za uuguzi."

Mpinzani wa serikali ya Bahrain Matar Matar alisema " serikali ainatakiwa kutatua matatizo yaliyopo na hasa ya kisiasa kwani ndiyo chanzo cha kutoluwa na amani."

Serikali ya mpito ya Libya kutoendelea na kesi ya mtuhumiwa wa ajali ya ndege Pan Am 103.

Serikali ya mpito ya Libya kutoendelea na kesi ya mtuhumiwa wa ajali ya ndege Pan Am 103.

Tripol, Libya - 27//09/2011. Waziri wa sheria wa serikali ya mpito ya Libya ametangaza ya kuwa kesi zidi ya aliyekuwa mtuhumiwa katika kesi ya kulipuliwa ndege ya Pan Am 103 iliyo tokea Lockerbie haitaendelea na imefungwa.

Waziri Mohammed al-Alagi alisema " Abdel Basset al-Megrahi alisha hukumiwa na kuachiwa na koti kutokana na hali yake kwa makubaliano ya serikali za Skotilandi na Britishi, hivyo hawezi kushitakiwa marambili kutokana na kosa hilo."

Al Megrahi alikutwa na hatia ya kuhusika katika kulipua ndege ya Pan Am 103 liyokuwa imebeba watu 250 na kuhukumiwa mwaka 2001 kwa kosa la kusababisha vifo vya watu 260 kati yao 11 walikuwawa baada ya ndege kudondoka katika eneo walilo kuwepo.

Kuchiwa kwa Abdel Basset al-Megrahi kulileta mvutano mkubwa kati ya serikali za Uingereza, Marekani na ndugu wa raia walio uwawa katika ajali hiyo.

Iran na Sudan zazidi kudumisha uhusiano kwa ukaribu zaidi.

Khartoum, Sudan - 27/09/2011. Rais wa Iran yupo ziara nchini Sudan, ili kudumisha uhusiano uliyopo kati ya Iran na Sudan.

Katika ziara hiyo, rais wa Iran Mahamoud Ahmadinejad atatiliana sahii mikataba na serikali ya Sudani katika nyanja za uchumi, kukuza uhusiano wa kijeshi uliopo na wa kisiasa.

Iran ni moja ya nchi ambazo zinauhusiano wa karibu na serikali ya rais Omar Hassan al Bashir, ambapo serikali yake inapingwa na nchi za Ulaya Magharibi na Marekani kwa kuwekewa vikwazo vya kibiashara na kiuchumi.

Rais Al Bashir anaunga mkono sera ya Iran ya kuwa na mitambo ya kinyuklia, japo nchi za magahribi zinapinga kitendo hicho, kwa madai Iran inampango wa kutengeneza mabomu ya nyuklia.

Mshindi wa Nobel ya Laureate mama Wangari Mathai hatuko naye tena.

Mshindi wa Nobel ya Laureate mama Wangari Mathai hatuko naye tena.

Nairobi, Kenya 27/09/2011. Wananchi wa Kenya wamkutwa na msiba baada ya kuondokewa na aliyekuwa mtetezi na mwanzilishi wa kitengo cha kuboresha mazingira nchini humo kinacho julikana kama Green Belt Movement Bi Wangari Mathai.

Wangari Mathai ambaye alikuwa mwanamke wa kwanza kutoka Afrika kutunikiwa nishani ya Nobel Laureate, alifariki dunia kutokana na ugonjwa wa saratani katika hospital jijini Nairobi.

Msemaji wa familia ya Bi Mathai alisema " tumepata masikitiko makubwa na majonzi kwa kuondokewa na mama yetu mpendwa, ndugu yetu, na mpenda haki."

Bi Wangari Mathai atakumbukwa kwa kuongoza maandamano ya kupinga serikali ya Kenya kutaka kuongeza mawaziri na pia kuwa mfano bora kwa wanawake wote wa Afrika katika kupigania haki, pia na kuongoza katika nyazifa mbalimbali serikalini ikiwemo uwaziri.

Rekodi ya mbio za marathoni za Berlin ya vunjwa.

Rekodi ya mbio za marathoni za Berlini ya vunjwa.

Berlin, Ujerumani 15/09/2011. Mwana riadha Patrick Makau amevunja rekodi ya dunia ya mbio za marathoni iliyokuwa ikishikiliwa na mwanariadha Haile Gabreselassie wa Ethiopia.

Patrick alivunja rekodi hiyo kwa muda wa masaa 2 dakika tatu na sekunde 38.

Mwanariadha huyo aliwaongoza katika kipindi cha kumalizia mbio na huku Wakenya wenzake walishikiria nafasi ya pili na ya tatu katika mbio hizo.

Akiongea baada ya mbio hizo Partick alisema " sikujua kama siku kama ya leo inaweza kuwa kama ilivyo tokea nichofanya nilikuwa nimekuja kushindana na kushinda."

Haile Gabrselassie ambaye naye alishiriki mashindano hayo kwa kukimbia hadi kufikia km 35 na kujitoa.

Wanariadha wa Kenya wamekuwa wakiwika katika mbio na kuliletea taifa la Kenya sifa nyingi kila mwaka.

Dmitry Medvedev apendekeza Vladmir Puttin kugombea kiti cha urais wa Urusi.

Moscow, Urussi- 25/09/2011. Rais wa Urusi amemtangaza rasmi waziri mkuu wake Vladimir Puttin kuwa mgombea wa kiti cha urais katika uchaguzi unaotarajiwa kufanyika mwakani.

Dmitry Medvedev alisema " ninayo furaha kuwatangazia ya kuwa napendekeza waziri mkuu Vladimil Puttin kugombea kiti cha urais katika uchaguzi unaokuja na sina wasiwasi wowote wa kuwa na mashaka kwani naamini ni mtu mwenye uwezo mkubwa wa kuongoza nchi yetu."

Baada ya kutangazwa kwake kugombea kiti cha urais, Vladimir Puttin alisema " nipo tayari kuongoza Urussi kwa kusaidiana na wanzangu na Dmitry Medvedev atakuwa waziri mkuu kama tukishinda uchaguzi."

Huku wakishangiliwa na wanachama wa chama tawala cha United Russia walioudhuria katika mkutano mkuu wa chama hicho uliyo fanyika jijini Moscow, viongozi hao walionyesha ukaribu wa zaidi hata wakati walipokuwa wakiingia katika ukumbi wa mkutano.

Ufalme wa Saud Arabia watoa ruhusa kwa wanawake kupiga kura.

Riadh, Saudi Arabia - 25/09/2011. Mfalme wa Saud Arabia ametoa ruhusa kwa wanawake wote aliopo nchini Saudi Arabia kugombea nafasi za uongozi katika ngazi za manispaa na ruhusa ya kupiga kura.

Mfalme Abdullah bin Abdulaziz al Saud alisema " hatutaki kuwatenga wanawake kwani wao ni sehemu ya jamii baada ya makubaliano kufikiwa na kamati ya uongozi ya kifalme."

Kufuatia maelezo ya ya Mfalme, wanawake wote raia wa Saudi Arabia wataruhusiwa kikamilifu kushiriki katika uchaguzi wa manispaa utakao fanyika mwakani.

Inaaminika zaidi ya wanawake 5,000 huenda wakashiriki katika harakati za kupiga kura na kugombea uongozi katika manispaa 285 zilizopo nchini humo.

Wapalestina wakabidhi ombi la kutaka kutambulika kama taifa kwa Ban Ki-moon.

Wapalestina wakabidhi ombi lao la kutaka kutambulika kama taifa kwa Ban Ki-moon.

New York, Marekani - 23/09/2011. Rais wa Wapalestina amehutubia mkuutano mkuu wa umoja wa mataifa na kudai Palestina itambulike kama nchi huru pia kukabidhi maombi hayo kwa katibu mkuu wa umoja wa mataifa Ban Ki-moon.

Mahmoud Abbas akihutubia alisema " tunaweza kaa na kuzungumza na Izrael kwa kufuatia mkataba wa makubaliano ya mpaka mwaka 1967,na kusimamisha ujenzi wote unaoendelea katika maeneo ya Wapalestina, kwani mazungumzo ya hapo awali yalikwama kutokana na Izrael kutokuwa na nia ya kufanya mazungumzo mwaka jana Septemba."

Rais huyo wa Wapalestina alimaliza hotuba yake hiyo kwa kushangiliwa na viongozi wakuu wa nchini na wajumbe wote waliokuwemo ndani ya jumba la mkutano.

Hata hivyo waziri mkuu wa Izrael Binyamin Netanyahu ambaye naye alihutubia katika mkutano huo alisema " siwezi kuleta amani peke yangu, nasiwezi bila wewe Abbas, kwani sisi wote ni watoto wa Abraham."

"Inabidi Waizrael wafanye uamuzi busara kwa kukubali ya matakwa ya Wapalestina na vilevile Wapalestina lazima wafanye uamuzi busara kwa kukubaliana na matakwa ya Waizrael." aliongezea Netanyahu.

Hata hivyo ombi la Waplestina litachukuwa muda kabla ya kufikiwa muafaka wake na kikao cha kamati ya usalama ya umoja wa mataifa.

Rais wa Iran azilaumu nchi za Magharibi.

New York, Marekani - 23/09/2011. Rais wa Iran amezilaumu nchi za magharibi kwa kutumia uwezo walionao kuvuruga amani na kusababisha myumbo wa uchumi duniani.

Mahmoud Ahmadinejad akihutubia katika mkutano mkuu wa umoja wa mataifa alisema " nguvu za kijeshi zimekuwa zikitumika na mataifa ya magharibi pasivyo halali"

Pia mashabulizi ya Sept 11 ni ya kimiujiza, ingefaa Osama bin Laden akamatwe ili afikishwe kwenye sheria na tungejua ukweli, kwani kitendo cha kumwua hakikuwa na mantiki yoyote " alisisitiza rais Ahmedinejad.

Hata hivyo wakati akihutubia, viongozi wa nchi za magharibi walitoka nje ya jumba la mkutano baada ya rais huyo wa Iran kuanza kuzishambulia nchi hizo na hasa nchi ya Izrael.

Zambia yapata rais wa tano tangu kupata uhuru.

Lusaka, Zambia -23/09/2011. Kiongozi wa chama cha upinzani nchini Zambia ameshinda kiti cha urais kwa kumpita mpinzani wake wa chama tawala cha MMD- Movement for Mult-party democracy.

Michael Sata ambaye aligombea kiti cha urais kupitia chama cha Patriotic Front alishinda kwa kupata asilimia 43 za kura zidi ya mpinzani wake Rupia Banda.

Akihutubia baada ya matokeo ya uchaguzi, rais mpya wa Zambi Michael Sata alisema " wananchi wa Zambia wamesema na lazima tuwasikilize na huu ni wakati wa kuwa pamoja katika kuijenga nchi, kwani sisi vizazi vya zamani lazima tuwape mwelekeo mzuri wa kujenga nchi hawa vijana wa vizazi vipya."

"Na haidi kiweka Zambia kwanza na kupambana na rushwa" alisema rais mpya wa Zambia Michael Sata.

Rais Michael Sata ni rais wa tano tangu Zambia kupata uhuru mwaka 1964

Mauaji ya kutisha yatokea Burundi.

Mauaji ya kutisha yatoke Burundi.

Bujumbura, Burundi - 22/09/2011.Kamishna mwenyekiti wa umoja wa Afrika amelaani matukio ya mauaji ya watu 40 yaliyo tokea hivi karibuni nchini Burundi.

Dr Jean Ping alisema " kitendo kilicho fanyika ni cha kinyama na umoja wa Afrika utaendelea katika jitihada za kuunga mkono kuwepo kwa amani nchini Burundi."

Mauaji hayo ambayo yametokea maeneo ya Gatumba, yameleta mshituko mkubwa kwa wanchi wa Burundi, na kutaka serikali ifanye kila njia kuwakamata wale wote walio husika, ilikuweza kuurudisha imani kwa wanachi.

Wanawake wawili wahukumiwa kwa kuvaa baibui nchini Ufaransa.

Paris Ufaransa - 22/09/2011. Mahakama jijini Paris imewatoza faini wanawake wawili kwa kosa la kuvaa baibui zinazo funika hadi uso.

Wanawake hao walitozwa jumla ya euro 200 na mahakama hiyo baada ya kukutwa na hatia ya kuvunja sheria inayo zuia mavazi hayo.

Hata hivyo faini hiyo ililipwa na mfanya biashara mmoja na kusema " nadhani uhuru wa mtu ni muhimu sana, na sikubaliani na sheria iliyo wekwa kwani inakwenda kinyume na katiba ya Ulaya, nna wanawake lazima wawe huru hata wanapo tembea."

Faini hiyo imekuwa ya kwanza tangu kupitishwa kwa sheria ya kukutaza mavazi ya baibui inayo funika hadi usi, jambo baadhi ya wananchi wa Ufaransa wanapingana lao.

Waizrael na Wapalestina watakiwa kukubalina ili kufikia muafaka wa amani

Waizrael na Wapalestina watakiwa kukubaliana ili kufikia muafaka wa amani.

New York, Marekani - 21/09/2011. Rais wa Marekani amelihutubia balaza la umoja wa mataifa ya kuwa mgogoro kati ya Waizrael na Wapalestina utamalizwa kwa makubaliano yao wenyewe.

Baraka Obama alisema " Mgogoro uliyopo kati ya Waizrael na Wapalestina hunahitaji makubaliano ya pande zote mbili, hivyo lazima yawepo mazungumzo ili kuleta amani"

" Na uhusiano wa Amerika na Izrael hautatikishwa kamwe na haswa katika swala la ulinzi na usalama wa Izrael." Aliongezea Obama.

" Wapalestina wanatakiwa kuwa na taifa lao, na ndiyo maana Marekani imekuwa itoa misaada ya kuwasaidia Wapalestina ili kujenga taifa lao."

Hotuba ya rais Obama, imetangulia kabla ya rais wa Wapalestina Mohmoud Abbas ajatangaza ombi la wa Wapalestina kutaka kuwa wanachama wa Umoja wa Mataifa na kutambulika kama taifa hapo siku ya Ijumaa wiki hii.

Hata hivyo serikali ya Marekani imesema " itapinga kitendo cha Wapalestina kutaka kuwa taifa ikiwa ombi ilo litawakilishwa kwenye baraza la usalama la umoja wa mataifa."

Mgogoro wa Waizrael na Wapalestina umekuwa wa muda mrefu na wakuleta vichwa kuumu kwa jumiya ya kimataifa.